Read Lamkang ROMIA 3 Bible Online

ROMIA 3 - Lamkang bible

ROMIA 3

¹Ava mkurthuttu Jihudia miia tak msit ka amma? Mdit mata vunmor kreen ki arleek set tak ka amda?

²Mlam khim khai thu knempok. Rukringi Jihudia rekka Isowr pau kparyaam rek dosilna.

³Mii angṭhe ngi mrin chaak mabe? Mmaan dorin de ma heppi Isowr rukva anto ktlo rang mo?

⁴Anto liit nime. Miipum ktaiji kparmak kurthuwk daat joso, Isowr ra kindit kurthuwk so, mleija hanto kjitda, “Nah apauna rekki nah kindit kat mdodit nra, ungu nah atikṭewl thu kapchaang kurthuwk na.”

⁵Pdainu nenki nṭhat maan nong ngi Isowr ki mkindit soklou ktidet nkurthuttu nenni tak tithe raan? Nen ntunni Isowr ri kindit liit kmaki plungthit kupthlung rang mo? (dultimii lam ktong ngi neia kpau ping.)

⁶Anto liit mso! Mleija anto nkurthut tu dultipaamma Isowr va tak heppi kekṭewl rang?

⁷Pdainu nei kdo parma ngi Isowr ki kindit ava mpunlor deekku, talu leiji neia pnu karvei khatti kraal mdo tpiik lamda?

⁸Ungta kṭha thuw nra talu leiji kṭha kma ta tlot marang? Anto lulungi mii angṭhe ngi titi pauvi mthe psuk lamda. Mmaanni kraal mdo tpiik ava kindit kurthuwk.

⁹Ava mkurthut tu talu rang? Jihudia mii nenna kṭha bet in minmo? Eme, anto liit pme; mleija Jihudia miirek ruk Grik miirek ruk mikniing ngi pnu rutan kurdu ngi ka am dinu neiji mii mkheng hin chodu ngi kdo tdet dok.

¹⁰Hanto mdo kjit dok lulu: “Rinkindit ku khat lee ame, khdaat pre ame;

¹¹kdei pandi ku khat lee ame, Isowr kthlaam ku khat lee ame.

¹²Mkheng inni siir tha kinle chlamma; karchin lamda mmaanni karmak lamtha kchet chlamma; kṭha ktlo ku khat lee ame, khdaat pre ame.”

¹³“Mto or inna thlaan khur kparvang, miplei inni mii huwn chaak nlamda.” “Mner kowng in titha pruwl doi ka amma.”

¹⁴“Mner inna pauhur leh pau kakha ngi kdim kcha a.”

¹⁵“Mkhuwnna hii kpubuw rangki kjaang nga,

¹⁶mlamṭoi naan thung ngi ke eakrep leh kja kakham ka amma,

¹⁷ungu kdaai lam ava mmaanni dei lamme.”

¹⁸“Mmik sut naan thung ngi Isowr kṭi ame.”

¹⁹Tunva nenni Nowlam dothe khim khaija, Nowlam tingi ka am miirek hin kpau tdit ndee in, ava leiji ner khim khai mdo pdown nra, ungu dultipaam mkheng nga Isowr dokṭewl nrang lei kurthuwk.

²⁰Mleija Nowlam nong rekki dultimii kukhat lee pre pindit pikme; mleija Nowlamva pnu tdee naki lousing mdo thuwṭhi.

²¹Pdainu tunva Nowlam ktaakki, Isowr ki rinkindit ava ngi mii pandan pik inda, Nowlam leh khulpu rekki sakhi hur daat lam joso

²²Isowr ki rinkindit ava Jisu Khrista krin changi kring cha mii mkheng tum kurthuwk. Mleija mkarthlei nra do khat lee ame;

²³mleija mii mkheng nga pnu arveida ungta Isowr kullaar thungki ktoi tekki ktluw kcha lamma,

²⁴mmaanna Jisu Khrista do ktlan thu Mma plungnee ki chla ngi mdo panrit pik dok lam,

²⁵krin cha ngi mdo arlaan chaak nra, mdungi Isowr ri Mma hii ngi mdoren partleu pik dok lam. Hava Isowr ki rinkindit mdo tdetna, mleija Isowr ktongki Mma dodiil ava ngi chodu ki pnu rekka ptlot pikda;

²⁶tun tunki mpha thung ngi Mma mdaksaa kat ava rinkindit, ungta Jisu krin cha mii ava Mma ngi mpindit pikka tdit mdo tdetna.

²⁷Ava dilva nen napal tlot inna tak kthuwkka? Ava ame. Talu mlei da? Nong lei mo? Eme, pdainu krin cha mlei thu.

²⁸Mleija Nowlam nong ktaakki krin kcha mii ava mpindit pik kdingi nenni narpom daat in.

²⁹Mdit mata Isowr ra Jihudia rek daatki Isowr mo? Mma ktlok chati rekki Isowr ruk kuthuwk pmemo? ktlok chati rek ki ruk kurthuwk,

³⁰mleija Isowr ava khdaat; ungta vunmor kreen rekka mdo rin chaak inni kpinrit pik ra ungta vunmor kreen kma rekka krin cha thung ra.

³¹Krin cha hava leiji nenni Nowlam tvar pthii raanmo? Anto liit pme. Nenni Nowlam mnebet na tutlot ra.