Read Lamkang 1 KORINTHIA 2 Bible Online

1 KORINTHIA 2 - Lamkang bible

1 KORINTHIA 2

¹Ku u knao rek, neiji naan hin kthlen mpha thu Isowr ki tuprut rinpaumin ava ahin inni kparthaang sii pauna rek mdit mata lousing ngi paryaam chmaang.

²Mleija Jisu Khrista leh Mma ngi Khros leen mukthoi na ava kma donle neiji naan arlakki do khat lee dei chnuwm maang.

³Ungta neia naan tu kilṭhi ngi kdung ksowl ungta kṭi ungu kunchunni ka am kcha ping;

⁴ungta nei kpau saam leh kdo paryaam ava ril ktlaa ki pauna rek lousing ava pme, pdainu pthla leh rutan ki ngaal.

⁵Tditta naan do rin chaak ka dulti mii ki lousing ava pme, pdainu Isowr rutan thungki mkurthut nrang lei.

⁶Anto kurthuwk daat joso neenni plung kurchuwl rek arlak va lousing pauvi kpau kchaan ping, dultipaam ki lousing ava pme mdit mata do ktip sit kmara hava dultipaam ki paamkpu rek lousing lu pme.

⁷Pdainu dultipaam mapṭhan du liitti Isowr ri nen tkunlor chaak nraan mdo purchuwl dok tuprut pau ava leh Isowr lousing neenni ksaam kcha kurthuwk in ping.

⁸Hava dultipaam ki paamkpu rek ku khat lee ngi hava pauva deipandi me; mleija mmaanni mdee inbi, mmaan ni laarnee ki Mukpu ava Khros leen pthoi lam nime.

⁹Pdainu hanto mdo kjit dok lulu ngi, “Mik dodee ma knaa do aryaak ma, dulti mii plung thu klut kma, Mma wonsat klo cha rek tummi Isowr do purchuwl pik dok.”

¹⁰Isowr pthla ava ngi nen nhin mipandan pik inda. Mleija pthla ngi do khim khai Isowr pau kukthuk daat ruk thlaam da.

¹¹Mleija miilai thu ka am pthla ava kma donle ku ngi miilai poibinna mdee da? Ava lulu ngi Isowr pthla ava kma donle ku mii khat lee ngi Isowr poibin dei me.

¹²Tunva nenna dultipaam ki pthla karlaang kcharek ava in pmin me, pdainu nenni tdee pandit nra Isowr ri nen nhin leemna ngi mido tpiik in pthla ava Isowr hinki nenni tarlaan chaak in.

¹³Ungta neenva dultimii lousing do purchu ngi pauna rek ava the maan ring, pdainu pthla kthloi rek hinni pthla ktongki kindit ava purlup innu pthla ngi akpurchuk kchaan ping.

¹⁴Pthla ktongki mii kmava Isowr pthla ki leemna chla ava arlaang chme, mleija mmaanna Mma hin ka aak chlam, ungu Mma va deipandi lamme mleija mmaanna pthla ktongki kurthuwk lamme.

¹⁵Pthla ktongki miiva do mkheng nga mdo kṭewl, pdainu ku mii khat do kṭewl ma ra ava Mma mdaksaa daat.

¹⁶“Mleija ku ngi Mukpu poibin dei donle Mhin kpurchuk rang da?” Pdainu nenva Khrista poi bin tuthloi chaak in.