Read Lamkang 2 KORINTHIA 10 Bible Online

2 KORINTHIA 10 - Lamkang bible

2 KORINTHIA 10

¹Naan tu mai tkurdut in mpha thungva neia kjuwm langlang kcha ping, pdainu naan hinki lam kakarlat thungta Poul plung ktangar ra, nei kdaksaa katti plung ktap, plung kparneemmi aka ktham chaak inna!

²Neenna dultipaam dil ṭoida ka am lam pi dida kraal in mpii inda plung kpur mii angṭhe hinni neiji plung krip merri kdo bin chaak ava neiji ka am daat mpha thu kdo tdet ma nra, ahin thaanni neiji kaktham kchaam ping.

³Mleija neenni dultipaam thu am jown ringva, daksaa dil kṭoiji neenni rawl karnaak ṭhi maan ring.

⁴Mleija neenki rawl dona ava dultipaam ki dil kṭoi pme pdainu rowng knet sii ava kdo pkui nraan ki, Isowr ktongki rutan kthloi in ping.

⁵Neenni pau karteen psuk ava ea krep innu, Isowr kdei dokki kpohok khim khai ungu poibin khim khai ea krep thiinnu, Khrista kupṭoi kdo purthuw in.

⁶Naanni kthe kupṭoi apurkhum dok inle, pau kleek khim khaija mraal kpii rangki ngi kurchuwl dokka.

⁷Naan amaiṭhuwm inni ka am do ava asuw in. Ku mii khatti Khrista ki ping kardi da mdaksaa mthina ngi mbin bi, mdaksaa mthina ngi abin chdaat so, ditta mma ngi Khrista ki mkurthut lulu ngi neen rukka anto in ping.

⁸Mleija neenki krutan in mlei thu neiji knem betti napal ktlo kurthuwk daat joring, naan linsaan nrangki Mukpu do piik chaak. Ungta naan ake eakrep rangki pme, neiva ningkja du chni maang.

⁹Chethi rekki apṭit chmaan ringmo kdingi neiva kbin chaakka.

¹⁰Mleija mmaanni theda, “Mma chethi rekka krik reenna ungu kapchai reenna, pdainu mdaksaa am ava ksowlla, ungta mpau saamma do si chme.”

¹¹Neen ka am ma in mpha thu chethi rekki kdo theen lulu ngi, neenni ka am daat in mpha thung ruk va anto daatta tdit anto lu kdu mii ngi adei so.

¹²Mdaksaan kpanpaak kcha rek mii angṭhe tu kilṭhi ngi, neenni kdaksaan kpinṭim ra mdit mata tpurtol ra bin chmaan ring. Pdainu mmaan msingreel inni khat leh khat tu kpinṭim lamda, ungta msingreel inni khat leh khat kpurtol chlam da mmaanni dei pandi chlamme.

¹³Pdainu mdo palreen kheelli neenni napal tlo chmaan ring, ungta neen ktum rang ngi Isowr do palreen ava naan kpha pang daat.

¹⁴Mleija neenni naan hin kthlen chaak in mpha thu, ru kri ngi Khrista ki kṭha paumin kdo paryaam chaak in ungta mdo palreen ava neenni pkheel chliit maan ring.

¹⁵Mdo palreen kheelli neenni ktlok mii khat nonglo na thu neenni napal tlot nmaan ring; pdainu neen kuplung bin chaak inna naan do rin chaak thu mkarkheel set set nra, naan arlakki neen kbil mlin nrang lei.

¹⁶Ava leiji naan aju pkheel dek inda ktlok khuwpaam tha neenni kṭha paumin ava kparyaam cha kro in ping.

¹⁷“Napal ktlo miiva Mukpu napal atlot chaak na so.”

¹⁸Mleija mdaksaa mthina ngi kpanpaak kcha miia mdo rot pik pme, pdainu Mukpu ngi mdo panpaak mii ava mdo rot pik.