Read Lamkang 2 KORINTHIA 4 Bible Online

2 KORINTHIA 4 - Lamkang bible

2 KORINTHIA 4

¹Ava leiji, Isowr nong ktlo ki wonsat kdo thloi chaak in, neenni plung parheel chmaan ring.

²Tup prut nong leh ningkja nra nong mkheng nga neenni kdo maak pthi dok in; Isowr pauna plei knei psuk ungu karmak nong ktlo kdo pthlei in, pdainu plung kindit mii pum ktai hinva Isowr dosut na thung ngi kindit mlei ava neenni karphat chmaan ring.

³Neenki kṭha paumin mkhum dokbi, ava kmawng chrang rek hin daatti kukhum.

⁴Isowr arling kdu jik Khrista laarnee ki kṭha paumin ar awng thungki mdo ser nraan, krin kma rek poibinna mdo ptot pthi.

⁵Mleija neenni kdaksaa in ava paryaam maan ring, pdainu neen kdaksaa inna sra owr lulu ngi Jisu tummi Jisu Khrista ava Mukpu di innu kdo paryaam chaak in.

⁶Mleija, “Kjiingnu thungki mar awng klengra,” dida kthe Isowr ava ngi Khrista maiṭhuwmmi Isowr laarnee kdei chaki mido tpiik chaak nraan, nen nuplung ril in thuwnni kleng.

⁷Pdainu kheel sii ki rutan ava Isowr do ungu nen ndo pme tdit mdo tdet nangi hava alrou neenni tnek beel thung ngi kdo thloi chaak in.

⁸Neenni mlam ktai thu kja parteel chaannu, pdainu mhai parchi you inme; plung chei karche in ping, pdainu plung pngal pthi maan ring.

⁹Suwk kthuwk in ping, pdainu msui chaan me; mdo te khe het in, pdainu me ea krep inme.

¹⁰Jisu rinkhu ava neen kdaksaan thung ngi mkandan nra, mpha ktai thu Jisu diyo ava neen kdaksaan thu kdo arkeen chaak in.

¹¹Mleija kdiyou chrang ki neen kdaksaan thung ngi Jisu rinkhu mkandan nra, Jisu tummi kring neen ava mpha ktai thu me eayou nuwm inda.

¹²Ava leiji kdiyou vi neen kthung ngi ka am pdainu kring ngi naan thu nong mdo tlot.

¹³‘Neiji rin chnu, ungu ava leiji neiji kpau ping,’ dida Laaika ngi mdo kjit lulu ngi, krin cha ki Pthla ava kat neenni thloi chaannu, neen ruk va rin chaannu, ungta ava leiji neenni kpau chaan ping.

¹⁴Mukpu Jisu kipring pinle Mma ngi nen rukka Jisu tu kilṭhi ngi mi ktipring pinle raan, ungu neenna naan tu kilṭhi ngi Mma awng ngi tri raan tdit kdo dee in.

¹⁵Mleija miirek hin plungnee mnem setset leiji, Isowr laarnee thu kheel setsetti ado panpaak chaak nraan hava mkheng nga naan atum.

¹⁶Ava leiji neenni plung pngal daak maan ring. Nenki ndaksaa mduwn ava kartlai chdaat joso, daksaa ril ava mnii ktaiji ren.

¹⁷Mleija mpha mrukki tummi kja tparteel inni kheel sii ki kṭuw knai kma ki laarnee mido tpurchuwl pik in.

¹⁸Mleija nenni tdee do ava ksuw kurthuwk maan min, pdainu tdee ma do ava tsut in; mleija tdee slii do ava roisot me, pdainu tdee ma do ava kṭuw knai kma ka am.