Read Lamkang 2 KORINTHIA 8 Bible Online

2 KORINTHIA 8 - Lamkang bible

2 KORINTHIA 8

¹Ku u knao rek, Masidonia ki Rinlop rek hin mdo tdet Isowr plungnee mlei thu naan dodee ra ava neiji kngei chaakka;

²Mleija kdung kpirsin ki kja kparteel thu kheel sii ngi kanpa lamda ungu sra chdaat lam joso kpii cha ngi dim chlam da.

³Mleija neiji sakhi kpiik chaakka, ditta mdo thloi in dil kṭoiji mmaanni pii chlam da, ungta mdo thloi in kheel dek ruk va muplung bin chaak inni pii chlam da.

⁴Kintiing rek kbom cha thu mmaan ruk mtum in ma am nra neen kihin inni ktham chlam da.

⁵Ungta havaa neen kuplung bin chaak inna kurthuwk pme, pdainu Isowr poibin dil kṭoiji ru kri reeppi mdaksaan Mukpu hin pii chlamda, ungta neen kihin ruk kirpii chlamda.

⁶Titas ti chodu ngi mdo pṭhun dok dil kṭoiji, kdung ngi hava plungnee ki nong nga naan arlakki mma ngi mdo pṭut dok nra, neenni mma hin kdo ktham chaak in.

⁷Tunva naanni krin cha thu, apauna in thu, kdei cha thu, aplung lut naan mkheng thu, ungu neen wonsat ado talo naan thu, naanni do khim khai thu suwang athuw lei inni, hava plungnee ki nong thung ruk va suwang thuwk chaan.

⁸Neiji havaa pauvi pṭum chmaang, pdainu ktlok rek hin plung klut ava anto thide tdit naan ki wonsat ruk do dak kat kat mkurthut nrang lei.

⁹Mleija naanni nenki Mukpu Jisu Khrista plungnee ado dee in, tditta Mma suwang thuw ngi naan rukka suwang athuw nraan, Mma ava suwang kurthuwk daat joso naan tumra Mma ava sra kurthuwk.

¹⁰Ungta hava mlei thu neiji akthe pik chaak inna: ktlo leh kbin daat kma pdainu kum roi ksot thu ado pṭhun dok in ava tunva ado pṭut dok inni kṭha bet ra.

¹¹Ava leiji ktlo nuwm rekrekki bin inti ado thloi daat in ava apṭut dok chaak inbi karlot bet chra.

¹²Mleija ktlo nuwm tdit ma am bi, mii ava ngi mdo thloi dil kṭoiji talo kuhui kurthuwk, ungu mma ngi mdo thloi ma dil kṭoija kurthuwk me.

¹³Naan bowr tiprik bet da ktlok bowr jaan nrang lei neiva kdo the chaak pme.

¹⁴Pdainu mkinṭim nra naan do thloi pok ava ngi, tun tun mmaan do ngei purdon pik da, mmaan do thloi ruk va naan do ngei aju kpurdon pik chraan, mleija ava ngi naan thu kinṭim kurthuwk ra.

¹⁵Mdo kjit dok lulu ngi, “Knemmi kpurkuk mma va do khat lee kheelli thloi me, ungta mruk suwnni kpurkuk mma va mdo thloi ma ame.”

¹⁶Pdainu Titas plung thu kinṭim chakki naan tuk aksut pik in Isowr kpanpaak kurthuwk so.

¹⁷Mleija mma ngi neen kdo ktham chaak in ava daat prim psuk me, pdainu mdaksaa ngi plung mdo plut reen leiji muplung binni ahin thaan kthleng ra.

¹⁸Kṭha paumin kparyaam rang lei mma tu kilṭhi ra, Rinlop rek mkheng thu kunton langlang ku u knao in neenni ksii chaak inna.

¹⁹Ungta ava daat kma Mukpu laarnee tumra, ungu nenki kṭha nong ktidet rangki tummi, neenni mnong kdo tlot slii in, plungnee ki nong hava thu neen tu kilṭhi ngi kchet ktlowng ra Rinlop rekki mdo kchol dok lam.

²⁰Neenni plung kneiki leemna chla ava kdo kmei lei inni, ku mii khat lee ngi mdo tupsul ma nraan, cheek ksin chaak inna.

²¹Mleija Mukpu mik sut na daat thung kma pdainu miirek do sut na thung ruk tak kjat kurhui ava neenni kdo ptuwn chaak in.

²²Ungta nong knempok thu plung klut, ungu marden kteen thu kdo pirsin ndok in, neen ki ku u knao in ava mmaan tu kilṭhi ngi ksii chaak inna, pdainu tunva chodu ki hinva kheel sii ngi plung klut ka amma, mleija kdung reenni naan plung ado tapkai psuk in.

²³Titas ki mleija, mma ava naan nong ktlo thu nei kmiiṭhi; ungta nenki nu u nnao in tumva, mmaanna Rinlop rekki tamsii rek Khrista ki laarnee rek lam.

²⁴Ava leiji Rinlop rek maiṭhuwmmi, naan wonsat leh naanki mlei thu neen knapal tlot in ava hava miirek hin mhai tdet pik chaan.