Read Lamkang GALATIA 3 Bible Online

GALATIA 3 - Lamkang bible

GALATIA 3

¹O ka aak Galatia rek! Khros leen Jisu Khrista kuk thoi ava naan amik kat inni ado dee chel in, naanna ku ngi atupsum chaak inda?

²Hava hehe daat neiji aju khewl chaanni: Pthla ava Now- lam nong rek ado tlot inni ado arlaan inmo mata krin cha thu ado aryaak lei inda?

³Hanto ja ngi naanna ka aak chdaat in pti mo? Pthla tu kilṭhi ngi pṭhun daat thiin tinu, daksaa ktong tha apṭut pthi daat inmo?

⁴Hava do knem- pok ka naanni do ksi kma aparteel pthi daat inmo? Anto mkurthut katbi, do si chme.

⁵Naan hinni Pthla akpurdon pik in Mma va naan arlakki tngana rek nong mdo tlot ava Nowlam nong rek lei mo, mata krin cha ngi karyaa lei da?

⁶Abraham mi “Isowr rin chda, ungu mhin ni rinkindit khat kdingi mdo tai pik.”

⁷Ava leiji krin cha mii rek ka Abraham chapa rek lam.

⁸Ungta Isowr ri ktlok chati rek ka mdo rin chaak thuwnni kpindit pik chra, tdit Kchiir Laaika ngi mdu ngi the dok da, mdungi Abrahammi kṭha paumin paryaam dok da,theda, “Nah athung ngi chati mkheng ngi suwṭhat kpha chra.”

⁹Hava mkurthut leiji krin cha mii rek ava krin cha kthloi Abraham tu kilṭhi ngi suwṭhat kpha chra.

¹⁰Mleija Nowlam nong pṭoida ktlo mii mkheng nga pauhur tingi ka am, mleija hanto kjit dok da; “Nowlam Laaika thu mdo kjit mkheng pṭoida ktlo kma mii pum ktaija pauhur ksudu chra.”

¹¹Tunva Isowr maiṭhuwmmi Nowlam va ku khat lee pindit pik me, tdit ava anto katti kthuwk; mleija “Rinkindit mii ava mdo rin chaakki kring chra.

¹²Pdainu Nowlam ma krin cha thu mkarnai nra ame, mleija ava ktlo cha rek mii rekka ava ngi kring ra.”

¹³Khrista ngi nen kchang donda pauhur kurthuwk da, Nowlam pauhur thungki nenna mi ṭen- thuw pik chaanda, mleija Laaika thu hanto kjit dok da, “Ding khat tun mdo pthoi mii khim khai ava pauhur karlaang dok.”

¹⁴Mleija Jisu Khrista thu Abrahammi phowl kṭha ava ktlok chati rek tun mthlen nra, ditta nenni krin cha thu Pthla paureen tarlaan chaak nrang ki lei.

¹⁵Ku u knao rek, dultimii nopa kpurtolli: pau kulrot nda mupṭum dok diltha, ku khat lee ngi pkui me, mata tpom me.

¹⁶Tunva pau- reel rek ava Abraham leh mma charuwl rek hin tha mdo seem. “Nah acharuwl rek,” dida Mma va mii knempok hin the me, pdainu khat mlei thu, “Nah acharuwl hin,” ditta charuwl Khrista ava hin kthe kurthuwk.

¹⁷Neiji kdo the naki mleija hava: Kum arjaa plii som kdum dil thang ki Nowlam mi chodu ki Isowr pau- rina Mpaureel dok pmuwt pchaang nime.

¹⁸Mleija mdo phaak ra ava Nowlam thung- ki ra mkurthut bi, Mpaureella kurthuwk nowl me; pdainu Isowr ri Abraham hin pau mdo reel pik dok.

¹⁹Anto mkurthut tu Nowlam- ma talu da? Pau mdo reel pik dok na mii ava hin charuwl mthlen du khim khaiji kar mak ava ngi mlei kurthuwk da mdo tpom; ungta avaa waan tamsii ngi pau mdo naak lik na ava hin mdo parlaan dok.

²⁰Tunva pau knaa lik khat kikheel dek; pdainu Isowr ra Khdaat.

²¹Nowlam va Isowr paureel rek mapten mo? Anto liit pme; mleija kipring pchaang rang ki Nowlam kpii mkurthut bi, Nowlam lei katti rinkindit kurthuwk ra.

²²Pdainu Jisu Khrista krin cha ngi paureel krin cha rek hin mdo piik nra, do mkheng nga pnu ngi ka am dida Kchiir Laaika ngi mdo the dok.

²³Tunva krin cha ava mthlen dungi, krin cha mkandan du khim khai arkam pthi da, nenna Nowlam tingi mi arkam kthen inda.

²⁴Ava leiji krin cha ngi nen mido tpindit pik nraan, Khrista mthlen du khim khai Nowlam mi ber ksu ra.

²⁵Pdainu tunva lamrin thleng dok da, nenna Now- lammi ber misuk pik nowl inme.

²⁶Mleija krin cha ngi naan akheng inna Jisu Khrista thu Isowr chapa rek in pti.

²⁷Mleija Khrista hin baptis ktlo mii maknemma, Khrista kihiil knaa.

²⁸Jihudia rek ruk Grik rek ruk pjiir me, suwk owr ruk kintek ruk pjiir me, psel ruk snu ruk pjiir me; mleija naan akheng inna Jisu Khrista thu khdaat in pti.

²⁹Ungta naanni Khrista ki akurthut inbi, naanna Abraham charuwl, pau- reel dil kṭoiji mcharuwl rek in pti.