Read Lamkang EPHISIA 1 Bible Online

EPHISIA 1 - Lamkang bible

EPHISIA 1

¹Isowr plung binni Jisu Khrista ki kenyee khat kurthuwk Poul li, kintiing rek leh Jisu Khrista hin trin chaak kurhui rek hintha:

²Nenki Npah in Isowr leh Mukpu Jisu Khrista hinki plungnee leh kdaaiji aju ṭhi chaan so.

³Nenki Mukpu Jisu Khrista ki Mpah Isowr ava kpanpaak chaakka, Jisu Khrista tu kilṭhi ngi parwaan ki mun rek thu Pthla ktongki phowl kṭha khim khai suwṭhat ti mi pii chaanda.

⁴Dultipaam mapṭhan du liitti, Khrista tu kilṭhi ngi Mma ngi mihai kchol chaan da, mleija Mma maiṭhuwmmi nenna kseeng ungu karmak ktaak liit tkurthut nraan leiki.

⁵Jisu Khrista thu Mma chapa rek tkurthut nraan, wonsat thu Mma ngi mpoi bin dil kṭoiji mi pankai chaan da.

⁶Mma wonsat lo thu laarnee ngi mido tpiik chaak in Mma kunlor ki plungnee tummi panpaak chaan che.

⁷Mma thu Mhii ngi miṭen thuw chaan da, Mma plungnee suwang thuw dil kṭoiji, nen pnu tonrek ava mi ptlot pik chaan da,

⁸ava nen ntun inni mi punthlut pik inda.

⁹Mleija Khrista thu Mma poibin dok dil kṭoiji, lousing mkheng leh Mma poibin ki kurthluk pau ava nen nhin mi tdet inda.

¹⁰Mpha mkurkhum thungki ra, Mma poibin ava parwaan ki do leh dulti tunki do mkheng Mma thu khdaatti ma am nrang lei.

¹¹Mma plung bin dok dil kṭoiji, do mkheng nga Mma poibin thu purchuwl dok da, ungu nenna Khrista tu khdaat ti ta am nrang leiji mupṭhun daat ki Mma poibin dil kṭoiji mi kchol chaan da.

¹²Ava leiji nenni ru kri thu Khrista kbin kcha ngi Isowr laarnee panpaak chaan che.

¹³Mma thungki Kṭha paumin ava ngi naanna kirliing chaan tinu, mkindit ki pauna ava aryaan tinu, ungta Mma rin chaan ti, Pthla Kchiir ki paureel tu kilṭhi ngi kbii nam ado tnam dok in.

¹⁴Mma laarnee kpanpaak ra, mcharuwl nen nhin mdo palreen nenni nphaak chaak du in khim khai kira.

¹⁵Mleija hava leiji, naanni Mukpu Jisu hin ado rin chaak in, ungta kintiing rek mkheng hinki naan wonsat ava neiji kdo aryaak chaak,

¹⁶Neiji kdo ṭhil chaak thu naan aju bin phaak innu, naan tumra kdo panpaak chaak ava down chliit maang.

¹⁷Mleija nenki Mukpu Jisu Khrista ki Isowr, laarnee ki Mpah ava hintha lousing ki Pthla khat ungta Mma tdee na pau kphuwng ado tpiik chaak nraan ṭhil chnu.

¹⁸Mleija naan ado tu own chaak naan ki kbin cha ava, kintiing thu Mma hinki tphaak chaak raan laarnee ki suwang thuw, mdit mata naan do dee nra, naanni plung ki mik ava ngi mar awng ado thloi chaak nraan,

¹⁹ungta nen nthungki krin cha rek mii ava hinki rutan ava kheel sii ngi klin langlang, Mma ngi klin nong mdo tlot dil kṭoi.

²⁰Khrista ngi kdiyou dok rek thungki mrin kinlet mpha thu kurkhum dok ungta parwaan ki mun rek thu Mma khut chang ktong tha ku ong da.

²¹Tun knungki paam kpu rek mkheng leh rutan pum ungta ruktang ungu kapchaang rek leh mmiing ka am dok miing khim khai tunni, hava mpha thung daat kma, pdainu karvang rangki kum tum ruk va, Mma ngi kinreel sii.

²²Ungta do mkheng nga Mma khu pja tingi thiida, ungu Rinlop tummi do mkheng ki mluw purthuw pik da.

²³Mma ki daksaa ava kurkhum dokda, do mkheng nga Mma ngi pdim dokda, pum dimmi dim chda.