Read Lamkang PHILIPPIA 3 Bible Online

PHILIPPIA 3 - Lamkang bible

PHILIPPIA 3

¹Mṭut na rel tha neiki ku u knao rek, Mukpu hin kanpa chaan. Naan hin kurnowl kurnowl nu kdo kjit ava ngi karda pthit me, ungu ava ngi naan ahui naan ra.

²Ui rekka cheek asin chaan, kṭhakma nong ktlo rekka cheek asin in, mdaksaan karngaat rekka cheek asin in.

³Mleija nenna Pthla ngi Isowr luwkbuk, ungu Jisu Khrista thu laarknei, mkindit ki vunmor kreen, daksaa thu plung kpii kma mii rek in pmin.

⁴Nei kdaksaa thung ruk va plung kdo pne psuk nrangki mlei ka am kro. Ku mii khatti mdaksaa thu plung mdo pne psuk nrangki mlei ka am kding ngi mbin bi, ava ruk neiji kheel sii kurthuwk ping.

⁵Mnii tret na nitti vunmor kreen, Isreel mii Benjamin ki chati, Hebru khat thungki Hebru ngi kṭou; Nowlam dil kṭoiji Pharisi khat,

⁶plung klut ktongtha Rinlop suwk kupthuwk, rinkindit ktong thang va Nowlam kurdu ngi mraal ktaak kurthuwk ping.

⁷Pdainu neiji kdo tuwn khim khaija Khrista tumva kmaang kcha kdingi neiva kdo tai.

⁸Anto kat kurthuwk, mleija neiki Mukpu Jisu Khrista kdeipandi ava mkurhui reen leiji do khim khaija kmaang pi kdo dit chaak. Mleija Mma tummi neiji do mkheng pmaang nu kja kcha ping, ungta mat maang kdo dit, tditta neiji Khrista kdo kat chaak nra

⁹ungu Mma thu mdo tphaak chaak nra, Nowlam kthenda nei kdaksaa ki rinkindit khat kthloi ava kma, pdainu Khrista lamkrin cha ngi Isowr ki rinkindit ava lamkrin cha thu ka am.

¹⁰Tditta neiji Mma rin karheel naki rutan dei chda, ungta Mma diyo na thu Mma lulu da, ungu Mma jat kham kuhur ṭhi kukurthut nrang lei.

¹¹Tditta mkurthut de rangbi, neiji kdiyou thungki kring karheel kdo phaak chaak nrang leiki.

¹²Neiji hava kphaak chaak dokka, mdit mata kinreel chdok im ping kdo dit na ava pme; pdainu nei kdak kat tumva namduwl nu kdo chen rei chaak, mleija Jisu Khrista ngi Mma mdak kat ki tumra mdo tseem dok.

¹³Ku u knao rek, neiva nei kdaksaa kat ki tumra seem maang kdingi karbin kchaam ping; pdainu neiki nong khat ava lamchi, dil ktongki ava parngiil pthii thinu kdusuk ki kdo chenrei pṭoi chaak.

¹⁴Jisu Khrista thu tun knungki Isowr ri mdo own mnah ava kpha chrang ngi tilrii kcho ktong tha neiji kdo chenrei chaak.

¹⁵Plung kurchuwl dok nenva hanto bin inche; ungta msik khatti naanni abin inbi, ava rukka naan hin Isowr ri ak pandan pik chraan.

¹⁶Nenni hava tphaak chaak dok in, nenni kindit deekki ava arpom chaan che.

¹⁷Ku u knao rek, nei kno kurchuk chaan, ungu nei ki hinni akurchu chaak in lulu ngi hanto lu ngi ka am rek ava bii atin chaan.

¹⁸Mleija mii knempokki, chodu ngi neiji mpha ktai thu ado kthe pik kcho in ungu tun rukva arthli kbu tu kilṭhi ngi kthe chaakka, mmaanna Khrista ki khros kipteng ngi ka am lamma.

¹⁹Mmaanki ṭut nra ava kuk krop kurthuwk ra, mmaan ki mukpu mpoi bin in kurthuwk da, ningkja nrang ktong tha mmaanni pohok lamda, dultipaam ktongki ava daat mmaanni bin lamda.

²⁰Pdainu nenna parwaan ki mii rek in pmin, ungu ava leiji nen mi kaktlan pik ra Mukpu Jisu tarngai chaak in.

²¹Mma ngi do mkheng nga Mma mdaksaa kurdu ngi kthi kpha ki rutan ava Mma laarnee ki mdaksaa lulu ngi ktuwl sii kcha nenki ndaksaan ava ren kpur owl ra