Read Lamkang KOLOSSIA 3 Bible Online

KOLOSSIA 3 - Lamkang bible

KOLOSSIA 3

¹Naanna Khrista tu kilṭhi ngi kring kinle akurthut inta, Khrista ngi Isowr khut chang ktong tha mko onna tun knungki dona ava athlaam in.

²Tun knung ki do ava leiji plung areel in, dulti do leiji plung reel maan.

³Mleija naanni diyou dok inti, ungu naanki rinkhu ava Isowr thu Khrista tu kilṭhi ngi kurdowl.

⁴Nenki rinkhu kurthuwk Khrista ava mkandan mpha thu, naan rukka Mma tu kilṭhi ngi laarknei ji kandang naan di.

⁵Ava leiji, naan athungki dultipaam ktongki: nala tartlaang kturkui cha, kbuwr, kjukva poithuw, kṭha kma poi bin, ungta hangmal, khut do sak pthla hava lea apdiyou pthiin.

⁶Hava le tun ni Isowr plung thit kthlung ra.

⁷Naanni hava le thu a am in mpha thungva, naan rukka mpha khat thu havale thu kchet in pti.

⁸Pdainu tunva: Plung kthi, kdung ngi plung kthi, khusiir parthit na ktlo, titi ktadah, ungu aner thuwn ni sowngkho pau ado the in mkheng nga ama dok in.

⁹Khatti khat huwn chaak nmaan, mleija naanni anong tlot in khim khai thu pliw ki nopa ado maak pthii dok in.

¹⁰Ungta kseem Mma arling ava kdu jik dil kṭoiji kdei cha thu ren kur owl ki nopa ado tseem pik dok in ren ava ahiil anaa in.

¹¹Hava thu Grik leh Jihudia, vunmor kreen leh vunmor kreen kma, nonaat ktaak, Synthia mii, suwk owr, kintek mii, tdit ka am pme, pdainu mkheng thu mkheng kurthuwk ava Khrista.

¹²Isowr do kchol khat lulu ngi, kchiir ungu wonsat thu, wonsat kthloi, plung knei, plung kdowng, plung kparneem, ungta kdiil dei cha ava ahiil anaa in.

¹³Khat leh khat karkhaang dei inra, ungu ku mii khatti ku mii khat hin mdo psul chaak na ma amta; Mukpu ngi naan ado tuptlot pik in lulu ngi, khat leh khat kpurtlot pik in, ava leiji naan rukka ado tuptlot pik kat in.

¹⁴Ungta hava mkheng tun nowlli, do khim khai plung khdaat ti kirchin wonsat ava ngi abowl in.

¹⁵Ungta naan plung thu Khrista ki kdaai ava ngi paal so, ava leiji naanna daksaa khdaat rangki ado tu own chaak dok in. Ungu apanpaak dei in.

¹⁶Khrista ki pauna ava naan thu knemmi amso, lousing mkheng ngi khat leh khat kurchuk inra kparseel in, ungta Pthla ktongki laa rekki naan plung ril thu Isowr hin kpanpaak laa atheen.

¹⁷Ungu naanni pauna daat don nong ktlo daat don do khim khaija Mukpu Jisu miing ngi atlo in, Mma thu Mpah Isowr ava apanpaak chaan.

¹⁸Numei rek, Mukpu hin akurhui in lulu ngi, naanki a innpu in kurdu ngi am in.

¹⁹Innpu rek, anumei in wonsat alo in, ungu mmaan tun plung psel daak maan.

²⁰Kmo rek, do khim khai thu anuh apah in dothe apṭoi in, mleija hava ngi Mukpu ning kthlung.

²¹Mpah le, anaole plung mkarheel ma nra, dai dai maan.

²²Suwk owr rek, mii ning kupthlung lulu ngi, mik sut ki sok klou ava kma, pdainu plung krippi, Mukpu kṭi ngi, dultimii ki akpu rek inna do khim khai thu apṭoi in.

²³Naan anong in khim khaija mii rek hin kma ungu Mukpu hin sok klou cha lulu ngi, plung klutti atlo in.

²⁴Naan do phaak chaak ra naanki mnah ava Mukpu hinki arlaang chnik di kdingi naanni Mukpu Khrista sok ado lo chaak in.

²⁵Mleija kar mak ktlo mii ava mma dotlot kar mak ava kpinlet pik ra, ungu ksan ksui tdit ame.