Read Lamkang 1 THESSALONIKIA 1 Bible Online

1 THESSALONIKIA 1 - Lamkang bible

1 THESSALONIKIA 1

¹Poul, Silvanas ungta Timothi ngi Mpah Isowr hin Mukpu Jisu Khrista hin ka am Thessalonikia Rinlop hintha: Plungnee leh kdaai naan thu am so.

²Mpha ktai thu naan akheng in tummi Isowr hin kdo panpaak chaak in, kdet liit kma neen kdo ṭhil chaak in thu ado ksaam psuk lu in.

³Krin cha ngi anong tlot in ungu wonsat ki anonglo in ava neenni nenki Mukpu Jisu Khrista ki Mpah Isowr kbin cha thu kdet liit kma ado kbin phaak in.

⁴Mleija Isowr wonsat lo neen ki ku u knao rek, ava kdo dee in, mleija naanna Mma ngi ado tuk kchol dok in.

⁵Mleija neenki kṭha paumin ava pauna daatti naan hin kthleng ava pme, pdainu rutan thu, Pthla Kchiir thu, ungu mkindit kdei cha kat tu kilṭhi ngi kthleng. Naan arlak kira naan tumra neenna tak hep kdu ki mii rek in ping tdit naan ruk va ado dee in.

⁶Ungta naanna neen no leh Mukpu ki no ava kurchuk kcha dok in pti. Mleija naanni Pthla Kchiir ri kanpa tu kilṭhi ngi kja kakham kparteel knempokki pauna ava ado arlaan chaak in.

⁷Ava leiji naanna Masidonia leh Akhaja thungki krin cha rek mkheng kurchu chaak nraan in pti.

⁸Mleija Masidonia leh Akhaja thungki daat pauna ava kthuwk ava pme, pdainu naanni Isowr ado rin chaak in ava mun ktai thu kuryou da, ava leiji neenva do khat lee kdo the in pme.

⁹Mleija neenki mlei thu tak heppi neenni naan arlakki lut innu, ungu kring leh mkindit ki Isowr sok kloura, ungta tak heppi khut dosak pthla luwkbuk thungki Isowr hin kinle in pti,

¹⁰Isowr plung thit kthleng rang thungki mi kṭenthuw in, kdiyou dok thungki Mma do prin pinlet Mma Chapa Jisu ngi parwaan ki murjun ra ava karda chrangki kdingi mmaan mdaksaa kat inni song lamda.