Read Lamkang 1 THESSALONIKIA 4 Bible Online

1 THESSALONIKIA 4 - Lamkang bible

1 THESSALONIKIA 4

¹Mṭut na relli ku u knao rek, naanni tak heppi amda ungu Isowr ning pthlung nikaan di kdingi ado tlot in lulu ngi, naanni kheel setsetti ado tlot nraan, neen ki hinki akurchu chaak in heppi, Mukpu Jisu hin aju ksop innu aka ktham chaak inna.

²Mleija neenni Mukpu Jisu hinki tak heppi akparseel in tdit ado dee in.

³Mleija hava naan akpinchel deek nraanki Isowr do ngei. Pang turkuiji kturkui cha ava akdaan in.

⁴Psel mii pum ktaiji mdaksaa ki numei ava kchiir ungu tak kjat kurhuiji tak heppi talo rang tdit ado dee in.

⁵Isowr kdei kma ktlok chati rek lulu ngi, kar mak nong ktlo ki plung bin maan.

⁶Tditta hava mlei thu ku mii khat lee ngi mu u mnao tun pnu tla mso, mleija neenni kapchaiji pau ado kakham pik dok in lulu ngi, hava mkheng phuw klou ra ava Mukpu.

⁷Mleija Isowr va nenna ktobor rang leiji mido tu own in ava pme, pdainu kchiir rang lei.

⁸Ava leiji, hava pau kleek ku mii khat va miilai pau leek me, pdainu naan hin Pthla Kchiir akpii kchaan Isowr pau kleek.

⁹Pdainu ku u knao rek, wonsat akurlo nraan ki mlei thu, naan hin kdo kjit nrangki arleek set do ame, mleija naanni khat leh khat wonsat akurlo nraan, naan adaksaan katta Isowr ri ado tpurchu chaak dok in.

¹⁰Ungta naanni Masidonia thungki ku u knao rek in mkheng hin wonsat adolo kat in. Pdainu ku u knao rek naanni kheel set setti ado tlot nraan, neenni akuk kso chaak inna.

¹¹Neenni pau ado kakham pik in lulu ngi, rim kdi amda, naan adaksaan ki nong daat binda, akhut intu kilṭhi ngi nong ado suk nraan;

¹²tditta duwnki kthleng mii rekki ado takjat chaak nraan, ungu ku mii khat lee hin lam adosut ma nraanki lei.

¹³Pdainu ku u knao rek, mdobin psuk chaak ra ktaak murson rek lulu ngi naan plung mjat ma nra, ki iip dok rek mlei thu, naan dodee ma rang nga ngei chmaan ring.

¹⁴Mleija nenni Jisua diyou dok da kring karheel nowl kdingi trin chaak in, ava leiji, ki iip dok rek ava Jisu tu kilṭhi ngi Isowr ri arjun kṭhira.

¹⁵Mleija Mukpu pauna hava neenni naan hin kdo the dok in, mleija Mukpu ngi murjun mpha thu kring nen ku mii khat ava ki iip dok rek dungi ru trit liit in nime.

¹⁶Mleija Mukpu mdaksaa kat ava, waan tamsii mkinreel li, Isowr peengkhul krowl tu kilṭhi ngi owng donle, parwaan ki kurjungra. Ungta Khrista hin kdiyou kcha rek mmaanni ru kri reeppi kring kinle lamra.

¹⁷Ava dilli ka am daat kring daat nen ava armei thu Mukpu kukurdut ṭhira mi kparchin purkuk raan; ungta ava leiji nenni mpha ktai thu Mukpu tu kilṭhi ngi ta am chaak raan.

¹⁸Ava leiji, hava pauna rek tu kilṭhi ngi khat leh khat plung ngam karpii chaan.