Read Lamkang HEBRU 3 Bible Online

HEBRU 3 - Lamkang bible

HEBRU 3

¹Ava leiji, Parwaan do own thu mtum ka am, kseeng ku u knao rek, nenni tkarthe thut chaak nraan, kenyee ungu thiimpu kparthaang, Jisu abin phaak in.

²Mousi rukva Isowr inn thu trin chaak mkurhui lulu ngi, Mma ava Mma kukchol cha ava hinni trin chaak kurhui.

³Anto joso inn ava hinva inn khat ksa mii ava hin kheel sii ngi takjat pik lulu ngi, Jisua Mousi hinva kheel sii ngi mlaar kneiji kurhui.

⁴Mleija inn khim khaija miilai khatti mdo sak, pdainu mkheng ksa ava Isowr.

⁵Tunva Mousi va Isowr inn mkheng thu sra owr khat lulu ngi, dilki mii dothe ra avaki tummi trin chaak kurhui.

⁶Pdainu Khrista ava Isowr Inn leenni Chapa khatti trin chaak kurhui kurthuwk. Ungta nenna nenki plungbin thu knetti bin chda, ungta kbin cha thu napal tatlot chaak in ava narpom mer chaak inbi, nenna Mma Inn ava pmin.

⁷Ava leiji, Pthla Kchiir khatti theda, “Snii ngi Mma krowl aryaak chaak thuwnni,

⁸rutan klin kmat rekki kbowk laiji mdo parsin naan thungki lulu ngi, aplung in tapchai reen maan.

⁹Ava thu apahle ngi Nei mparsin nlamda, ungu Nei knong tlot rekka kum som plii thu dei lamda.

¹⁰Ava leiji, ava charuwl rekka Neiji eawng knat psuk lam nu, ungbi Neiji kthe; ‘mpha ktai thu mmaan plung binni lele tha chet chlamda; Nei klam ava mmaanni dei liit lamme.’

¹¹Neiji kuplung thitti pau kdo reel lulu ngi, ‘Mmaanni Neiki karnga thu lut pchaang chlam nime.’ ”

¹²Ku u knao rek, naan thungki kṭha kma ku mii khat, plung thu krin cha kma ava ngi, kring Isowr hinki lele tha naan akṭhi pthiin kro kding cheek karsin chaan.

¹³Pdainu naan thungki ku khat leea pnu dohowlli muplung mapchai ma nra, “Snii,” tdit ma am slii daat thu mnii ktaiji khat leh khat kursop in.

¹⁴Mleija ru kri thokki nenni plung tapngam psuk in ava mṭut na kpha dekki knetti narpom chaak inbi, nenni Khrista tum kphaak ṭhi tkurthut in.

¹⁵Hanto theda, “Snii ngi naanni Mma krowl aryaak in mpha thu, rutan klin kmat rek lulu ngi, aplung ril in tapchai maan.”

¹⁶Maryaak chunni rutan klin kmat rekka kule da? Mmaanna Mousi ber suk kurdu ngi Egypt kma pthii rek mkheng ava pmemo?

¹⁷Ungta Mma ngi kule hin kum som plii eawng mak knat psuk lamda? Kbowk laiji daksaa kluwng ktla mmaan hin pmemo?

¹⁸Ungta pau kleek rek ava kma donle, Mma karngat na thu lut chip pchaang lam nime dida kule hin Mma ngi pau maktham da?

¹⁹Tditta mmaanni mdo rin chaak maan leiji paam ava thu mlu pchaan maan nenni ndee in.