Read Lamkang HEBRU 5 Bible Online

HEBRU 5 - Lamkang bible

HEBRU 5

¹Mleija thiimpu kparthaang khim khaija Isowr leh mii rek arlakki nong ktlora, pnu rek tummi chla rek leh tlaai mi kdown pik, mii rek kchang kdonra mido tukchol pik in.

²Mma mdaksaa kat daat rukka ksowl ava ngi mdo tukhul dok leiji kdei pandi kma rek leh kpar mak kcha rek hin plung kparneemmi kdiil pchaang kurthuwk.

³Mleija ksowl hava leiji miirek tum daat kma Mma mdaksaa kat tum ruk pnu leiji tlaai mi down pik inda.

⁴Ungta ku mii khat lee ngi ava kakjat pikki mdaksaa mthina ngi loume, pdainu Aron mdo own lulu ngi Isowr va own chda.

⁵Ava leiji Khrista rukva Thiimpu kparthaang khat mkurthut nra mdaksaa mthina ngi karkhiing me, pdainu Mma ngi kchol da Mhin theda, “Nah Nei Kchapa pti snii ngi akupluk chaakka.”

⁶Mun ktlok khat thung ruk va Mmangi theda, “Nah Melkhiyedek do parnaak dil kṭoiji, kṭuwnai kma ki Thiimpu Khat pti.”

⁷Jisu ngi dultimii daksaa ngi ma am mpha thu, kdiyou thungki kaktlan pik pchaang Mma hintha, krowl kparyaa ngi kṭap ungu arthli kbu tu kilṭhi ngi, kṭhil kaktham kcha tloda, ungta Mma ngi Isowr mdo ṭit leiji aryaak pik chda.

⁸Mma ngi Mchapa kurthuwk chdaat joso, kja kakham kparteel thu pau pṭoi da.

⁹Ungta Mma ava mkinreel kurthuwk da, Mma pau kupṭoi mii mkheng hin kṭuw knai kma ki kirliinna thuwna kurthuwk,

¹⁰Melkhiyedek dopar naak dil kṭoiji Isowr Mma ava Thiimpu Kparthaang Khat kdingi the thuwda.

¹¹Hava mlei thu neenni kdo the raan ka am pok, pdainu naanni ado aryaak de maan leiji ado kthe pindit pik raanna kparsa reenna.

¹²Mleija hava mpha thu naanni Chukpu rek akurthut kat nraan, ku mii khatti naanna Isowr pauna ki mdo pṭhunna thokki paumin ava naan hin ado tpurchu pik nowl nraan ki kat kurthuwk. Naanna then kapchai kma arnuw dii akriin inna;

¹³mleija arnuw dii kjown mii pum ktaiva rinkindit ki pauna ava pintiing dei me, mleija ava mma nao.

¹⁴Pdainu then kapchai ava plung kurchuwl mii rek tum, mleija ava ktlo pchaang ki kurchuk dok mii rek va kṭha leh kṭha kma ktin pchaang kurthuwk.