Read Lamkang 2 PITOR 3 Bible Online

2 PITOR 3 - Lamkang bible

2 PITOR 3

¹Kwonsat lorek, neiji naan hin kdo kjit chaak ava tunva hava ngi mvei knit naki chethi, ungu naan do bin phaak naan thu, naanki plung kchiir kuk ksop kcha ping.

²Tditta Kchiir khulpu rek pauphuwn dok, ungta naan akenyee thuwn ni akaktlan pik in Mukpu paureen abin phaak in.

³Ru kri verri hava ado dee pandit raan, tditta kipnii chaak rekka mṭut na nit thu mdo pnii chaak tu kilṭhi ngi mdo ngei in kanthle ktardou ava dil kṭoi chlamra

⁴ungu kthe lamra, “Tu ungda Mma arjun nrangki paureel la? Mleija mpah le mi ii dokki kupṭhunni, do mkheng nga mapṭhan daat ki kupṭhun lulu ngi mmaanna kurnowl thlit daat lam.”

⁵Kdei kdeiji mmaanni ning mdo pu ui in pme, tditta alraang ngi Isowr pauna ngi parwaan leh dii ngi mlei kurthuwk da, dii thungki dultia ka am,

⁶ava thu ka am dultipaam ava dii ngi jiil dokda kmawng kcha dok.

⁷Pdainu kekṭewl nit ungu Isowr kbin kma rek kro chaak nrang ki nit mphaak du khim khai, tun tunni ka am daat pauna ava katti parwaan leh dultia mei tumra purtuwl da mdo arkhiik daat.

⁸Pdainu kwonsat lo rek, hava khat pang nga ning kpu ui kmalu tlo maan, tditta Mukpu hin thangva nii khatta kum punkhat lulu, ungta kum pun khatta nii khdaat lulu.

⁹Mukpu pauna ava mii angṭheva naam naammi mdo bin lulu ngi naam naamma kurthuwk pme, pdainu ku khat lee mdo pmawn nuwm ma leiji kdung ngi mdo diil chaak, ungta mkheng kheng ngi plung ren kuhur ra ava mdo ngei.

¹⁰Pdainu Mukpu nit ava kup pru thlen lulu ngi kthlengra, ungta au dilli parwaan ava krowl kparjaa ngi kmawng chra, ungu kinreel do ava mei thu kbung donle kjot chraungta dulti leh mtuwn ki nong rek ava kakaa chra.

¹¹Do mkheng nga hanto mjot chaak rang leiji, Isowr nit kbeiji kurjungra ava karda slii ngi, kchiir deek ungu Isowr kbinni tak hep kdulu mii kurthuwk nikaan di kdingi am in!

¹²Ava nitti mlei kurthuwk don parwaan ava meiji ṭuwng donle kukbung chra, ungu kinreel do ava meiji sat donle kjot chra.

¹³Pdainu Mma paureel dil kṭoiji nenna rinkindit rek amna ren parwaan leh ren dulti tardat chaak in.

¹⁴Ava leiji, kwonsat lorek, naanni havale ado ardat lei inni, kbii ktaak mdit mata mii do psul nma liitti, kdaaiji Mma ngi ado tphaak chaak nraan ru alou in.

¹⁵Ungta nenki Isowr do diil ava kirliin chaak nangi alou in. Ava leiji nenki nwonsat lo in, nu u nnao in Poul rukva, mma hin mdo piik chaak lousing ava dil kṭoiji naan hin hava theda mchethi rek mkheng thu mdo kjit chaak.

¹⁶Havale thu tdee pandit liit ma pau angṭhe ka am, kdei pandi kma rek leh plung krip kma miirek mmawn chaak nraan, ktlok laaika mdo tlot lulu ngi, mmaan poibin ni purjuk parhai lamda, mdo tlot in.

¹⁷Ava ngi mlei kurthuwk da, kwonsat lo rek, naanni hava ru kri ngi dei dok da, nowlam ktaak miirekki kar mak tu kilṭhi ngi aṭhii in da ungta naanki plung knet ava mmaan chaak ma nra cheek karsin chaan.

¹⁸Pdainu plungnee leh nenki Mukpu ungu mi kaktlan pik in Jisu Khrista kdei cha thu klin ksaang kurthuwk in. Mma hin tha tun ruk ungta karvang ra kṭuw knai kma nit thu mlaarnei. Amen.