Read Lamkang 1 JOHON 1 Bible Online

1 JOHON 1 - Lamkang bible

1 JOHON 1

¹Mupṭhun daat ki ka am, nenni taryaak dok in, nmik inni tdee dok in, nenni suw in minnu nkhut inni tikmei dok in rinkhu ki pauna mlei thu.

²Rinkhu ava seem da kandang, ungu nenni ndee in, ava sakhi kdo hur in, ungta Mpah tu kilṭhi ngi kṭuw knai kma ki rinkhu ava naan hin kparyaam ava rinpaumin hur chaannu ungta neen ki hinni mhai pandan pik inda.

³Tditta neenni kdo dee in, ungu kdo aryaak chaak in ava naan hin ruk va kparyaam chaak inna; ungu neenni plap kdo kurthuw ṭhiin ava Mpah leh Mchapa Jisu Khrista.

⁴Ungta neen kakanpat in mkurkhum nra neenni hava kikjit chaak inna.

⁵Neenni Mma hinki aryaan nu, naan hinni kdo paryaam chaak in paumin ava hava, tditta mar awng nga Isowr ungu Mma hin thangva kjiingnu ame.

⁶Nenni kjiing thu nche slii daat chun inni Mma ava plap kukurthuw ṭhi dida nthe inbi, nenni plei knei tkurthut in, ungu kindit dil kṭoiji am maan min.

⁷Pdainu Mma ngi kleng thu ma am lulu ngi, nenni mar awng thu nche inbi, nenna khat leh khat plap tkurthuw in, ungta Mma Chapa Jisu hii ngi nen pnu ton mkheng mpartleu dokka.

⁸Nenni pnu arvei maang ngi dida nthe inbi, nenni ndaksaa nthina ngi tkurhuwn chaak in, ungu kindit ava nen nthu ame.

⁹Nenni nenki pnu rek nthe thut chaak inbi, Mma ava trin chaak kurhui ungta kindit kurthuwk, ungu rinkindit kma mkheng thungki nen pnu rek ava mi kuptlot pik chra ungta mi kpartleu chraan.

¹⁰Nenni pnu tla maang dida nthe inbi, nenni Mma ava plei tnei psuk inna, ungu Mma pauna ava nen nthung ngi ame.