Read Lamkang 2 JOHON 1 Bible Online

2 JOHON 1 - Lamkang bible

2 JOHON 1

¹Kver khatti mdo kchol dok snu, ungu kindit thung ngi nei kwonsat lo mnaole, ungta nei daat kma pdainu kindit kdei mii mkheng hin thang ruk,

²nen nthung ngi kakbaang thlit daat ungu kṭuw knai liit kma nen mi kṭhi chraan kindit mlei thu:

³Npah in Isowr ungta Mpah Chapa Jisu Khrista thungki kindit leh wonsat thu plungnee, wonsat ungu kdaai ava ngi mihai ṭhi chaan so. Kindit ungta Wonsat

⁴Nenni Npah in hinki paureen tathloi chaak in lulu ngi, kindit dil kṭoi slii nah anaole kdo phaak chaak leiji kdung kanpa kchaam ping.

⁵Ungta snu nah ahinni neiji kaktham kchaam ping, nah hinni neiji ren paureen khat kikjit lulua kurthuwk pme, pdainu nenni khat leh khat wonsat tkurlo ra dida mdo the mupṭhun daat ki nenni tathloi in khat ava kikjit kcha ping.

⁶Ungta nenni Mma paureen rek wonsat ava dil taṭoi chaak in; naanni mupṭhun daat ki ado aryaak in lulu ngi, tditta naanni wonsat dil ado ṭoi naanki paureen ava hava.

⁷Mleija Jisu Khrista ava dultimii daksaa thu kthleng tdit kro kma kuhuwng kcha rek mii knempok ki dultipaam thu kthuwk lamma; hanto lu kdu mii ava kuhuwng kcha ungu khrista pme.

⁸Naanni anong tlot in ava kapmaang kma pdainu kurhummi mnah ado phaak chaak nraan asingreel inni kursut pṭoi dei chaan.

⁹Ungta Khrista paurin thung ngi ka am kma msik khat ti kchet kcha ku mii khat va Isowr thloi me; paurin thu kakbaang miiva Mpah ungu Mchapa mikniing ngi mdo thloi chaak.

¹⁰Hava paurin ktaakki ku mii khatti naan hin mthlen ta, inn thu pthlung maan, mdit mata kowl maan.

¹¹Mleija mma kukowl miiva mma nong tlot kṭha kma ava mdo phaak ṭhi. Mṭut na Pauna rek

¹²Naan hin kdo kjit ra do knempok neiji thloi chddaat joringva, chee leh mukdii sinton nuwm maang, pdainu nenki kanpa mkurkhum nra, nei kdak thleng da adei lai inni ungu mai leh maiji kurdu da pau tsaam raan ava kngei chaakka.

¹³Naan do kchol achernu in naole ngi leer khatti aturvui chaak inna.