Read Lamkang 3 JOHON 1 Bible Online

3 JOHON 1 - Lamkang bible

3 JOHON 1

¹Kver khat ava kindit thu neiji wonsat kdolo chaak Gaus hin tha kikjit chaakka.

²Kwonsat lo, nang ngi araothla mkheng tu kilṭhi ngi ado tlot neiji kdo dee lulu ngi, do mkheng nga kṭha ngi ado tlot nra tditta adak mdam nra neiji kṭhil chaakka.

³Mleija nah rinkhu ki kindit pau ava ku u knao rek angṭhe kthlung ngi arinpaumin mson pik lamda kdung ngi neia kanpa kchaam ping, ungu nang ngi kindit kṭoi kat cha pti.

⁴Tditta nei knaole ngi kindit mdo ṭoi karyaa cha ava ki kheelli nei kakanpat nra ame.

⁵Kwonsat lo, nang ngi ku u knao rek, kheel siingi mal rek hin plung kneiji sok adolo ava tak kjat kurhui langlang ki nong ktlo pti.

⁶Rinlop maiṭhuwm mi nah wonsat ki rinpaumin mdo piik dok in. Nang ngi mmaan ava lam tha ata dak pik lambi Isowr sok klou kurhuiji kṭha deekki tlo ndi.

⁷Mleija mmaanna Mma tummi mdo sii dok ungu krin kma rek hinki do khat lee arlaang lamme.

⁸Ava leiji nenni hantolu kdumii rek ava tupthow pik katkat ra, tditta nenna kindit thu nong ksuve tkurthut nraan leiki.

⁹Neiji Rinlop hin tha do mruk kdo kjit chaak; pdainu mdaksaa ru kri nuwm, Deutrephas va nei krutan pṭoi me.

¹⁰Ava leiji neiji kthlen mpha thu, nei kraal mikpii ngi kṭha kma pauna rek mdo the mma nong tlot slii ava neiji thlaam pthuwk nik di. Ungta ava daat rukva pneel me, tditta mma ngi ku u knao rek ava kowl chlamme, ungu kukowl chnuwm rek rukka pdown pthii lamda ungta Rinlop duwn tha maknen pthii inna.

¹¹Kwonsat lo, kṭha kma no kurchuk chma. Kṭha ktlo mii ava Isowr hinki; kṭha kma ktlo miiva Isowr dei chme.

¹²Mii pum ktai ungu kindit deekki Demetrias ki rinpaumin hur lamda, nei rukva rinpaumin akuhur pikka, ungu neiki rinpaumin kindit ava nang rukku ado dee dok.

¹³Neiji nah hinni kdo kjit rang nga ka am pok, pdainu neiji peen leh mukdii ngi kjit nimaang.

¹⁴Kbeiji ado kdee nra, ungu mai leh maiji kurdu da pau tsaam ra ava neiji kbin chaakka.

¹⁵Nah hin kdaai ava ngi aju ṭhi chso. Aplap rekki leer khatti aturvui chaakka. Kaplap rek mii pum ktai hin aturvui chaak inna kdingi mhai son pik cha.