Read Lamkang JUDA 1 Bible Online

JUDA 1 - Lamkang bible

JUDA 1

¹Jisu Khrista ki sra owr khat ungu Jeems naopa Juda ava ngi, mdo own dok rek, Kpah Isowr thung ngi Jisu Khrista tummi mdo arkhiik kwonsat lo rek hin tha:

²Wonsat knei, kdaai, ungu wonsat ava naan thung ngi am so.

³Kwonsat lo rek, naan hinni nen nkheng ki kirliin na mlei thu kjit chnuwm rek rek nu, kintiing rek hinni vei khdaatti mdo parlaan dok krin cha ava tummi plung ktangar ri ado karnaak ṭhi nraan, tik kjit chaak ava ngi do ksi kat heppi bin chnu.

⁴Mleija mii angṭhe tup prut siirchang ngi kankai dok lamma, mleija hava ki mraal mdo piik nra alraang ngi mdo kjit dok. Nenki Isowr plungnee ava lele tha pang turkuiji kturkui kcha ktong thang ngi kṭhi, Isowr kdei kma mii angṭhe rekki nenki Chukpu khdaat chrel leh Mukpu Jisu Khrista ava mat lamda.

⁵Tunva naan akheng inni kurhum mi vei khdaatti dei daat jown ti,naan do bin phaak ra ava neiji kngei chaakka, tditta Egypt paam thung ki mii rek kaktlan pik Mma ava ngi krin kma rek ava mdilthang bong ngi eakrep da.

⁶Ungta tilrii mdo kowl ava karkhii kma pdainu ma amna kma pthii Waan tamsii rekka Mma do kṭewl nrang ki klin langlang Nit ava mphaak du khim khai ktuh da kjiingnu thu kṭuw knai liit kma mdo arkhiik pthii.

⁷Hanto lulu ngi Sodom leh Gomorah ungta marveel ki khuwpii rek pang turkuiji kturkui kcha ungu msik msik dongei thu tlo lamda, kṭuw knai kma ki meiṭhuwm thu mraal mdo phaak in ava nen tkurtol chaak naki sok klou lam.

⁸Anto daat joso mdo tlot in lulu ngi mii rekki mner inni daksaa pbuwr lamda rutan pthlei lamda, ungta mlaarknei langlang khat ava kalrai ṭhi lamda.

⁹Pdainu kinreel sii Waan tamsii Maikhal ava ngi dijabowl mkalrai ṭhi mpha thu, Mousi daksaa mlei thu mkarteen ṭhi thung ngi kdung krai kcha ngi mma tun ni kekṭewl ki pau khat lee the me, pdainu Mma ngi theda, Mukpu ngi nang nga aju krai chra,” dida theda.

¹⁰Pdainu hava mii rek va mdo dee pandit ma in khim khaija rai chlamda ungta plung ktaak saa rek lulu ngi mdo dee in dil kṭoiji mmaanna kmawng kcha lamma.

¹¹Mmaanna msuwnkthi! Mleija mmaanni Kein lamṭoi ṭoi lamda, mdo kat chaak nraan Balam nong parma thung ngi bowr krik mhur chaak inna, ungu Korah pauleek thu kmawng tir chlamma.

¹²Hava lea naanki wonsat kmaal thu kbii pum lam, mmaanni plung ktangarri lop mkurku mpha thu, mdaksaan daat kursut pṭoi lamda; mmaan ava dii ktaak tirthli dojuwn armei lulu lam, vei knii ngi kdiyou, murjung tik tker pthii mkaal thu kukto mthei ktaak ding rek lam.

¹³Mmaan mdak kat inki ningkja ava powm plokki ksou truwn dii kurnuk ava lulu ngi kparvai kcha bursi rek lam, mleija mmaan tummi pum jiing ngi kjiingnu ava kṭuw knai liit kma mdo arsan pik lam.

¹⁴Adam charuwl thungki mtikheu na hava Enok ruk va pau phuwng da theda, “Asuw in, Mukpu ngi Kchiir mii rek ava mpun mpun ni ṭhida kurjung nga.

¹⁵Mii mkheng kekṭewl rangki, ungta Isowr kdei kma mii mkheng rek ki Isowr ktaakki nong mdo tlot in mkheng ava Isowr kdei kma lam ktong thang ki mkurthut leiji ungu Isowr kdei kma pnu kirvei rek raal kpii ngi, kṭha kma pau mkheng mdo theen ava raal kpiira kurjung nga.”

¹⁶Havalea mpha ktai thu knur dei rek, kupsul rek, mdaksaan do ngei dil kṭoi rek, mdo kat nraan ni mii hin pau kpardai rek, mner thuwnni kdung napal pau kthe rek lam.

¹⁷Pdainu kwonsat lorek, nenki Mukpu Jisu Khrista ki kenyee rekki chodu ngi mdo phuwn dok in pau ava ado bin phaak kat raan.

¹⁸Mmaanni naan hinni the lamda, “Mṭut naki mpha thu mmaan mdak kat inki Isowr kdei kma ki dongei dil kṭoiji kchet rek kipnii chaak ka am lamra.”

¹⁹Mii kṭhen pthii, dultipaam ktong ki mii pthla ktaak rek ava havale lam.

²⁰Pdainu kwonsat lorek, naanki daksaa ava kheel siiki Kchiir ki krin cha thu kpunchoi in; Pthla Kchiir tu aṭhil chaan.

²¹Isowr wonsat thu naan adaksaan na arkhii chaan; kṭuw knai kma ki nenki Mukpu Jisu Khrista wonsat lo thung ngi arda chaan.

²²Ungta plung chel karche mii angṭhe tun wonsat mhailo pik chaan.

²³Mii angṭhea mei thungki mhai ṭenthuw pik chaanra, mhai ktlan pik chaan; daksaa do tpa am kbii pum dona kpha thu tipder chaak kro mii angṭhe leen kṭi tu kilṭhi ngi wonsat mhailo pik chaan.

²⁴Tunva atluk nraan thungki akarkhii chraan kapchaang, ungta kbii khat lee ktaak, kanpa tu kilṭhi ngi Mma laarnee ki maiṭhuwm mi ari pchaan nraan,

²⁵nen mi kaktlan pik in khdaat chrel Isowr hin nenki Mukpu Jisu Khrista thu Mma laarnee kukthuk sii ngi kpaal ungu rutan kthloi ava mpha ktai thu chodu ungta tunruk ungu kṭuw knai liit kma am so. Amen.