Read Lamkang PAUPHUWN 13 Bible Online

PAUPHUWN 13 - Lamkang bible

PAUPHUWN 13

¹Ungta truwn thungki arhang kthuwk saa khat markii sowm ungu mluw tikheu ungta markii sowm leenni laar luwkhum sowm khumda ungu mluw ktaiji Isowr kjowm kcha ki miing mdo hur neiji deinu.

²Ungta neiji kdo dee saa ava ruwnnu hep daat, mkhu rekka towm khu hep daat, ungu mner ava humpii smang ner hep daat da. Ungu ava hinni ruwlrew vi mrutan ungta mko onna ungu klin langlang rutan ava mhin pii da.

³Ungta mluw khat ava kdiyou rang ngi lim chda, pdainu kdiyou rang ngi mlim ava dam chda, ungbi dultipaam mkheng ngi kngak kcha saa ava dil ṭoi lamda.

⁴Mii rekki ruwlrew luwbuk lamda, pdainu saa ava hinni mma ngi rutan mdo piik leiji, mmaanni saa ava luwbuk lamda, the lamda, “Hava saa hep daat ku ka am rang, ungu mma rawl karnaak ṭhi pchaang ra ku ka am rangda?”

⁵Ungta saa ava hintha Isowr kjowm kcha ki pauna rek ungu do ksi thleer kma mpau nrangki ner rek pii da, ungu ava rutan mdo thloi nra thla som plii lei knii rot pik da.

⁶Ava leiji mner pvang da, Isowr kjowm kcha ki kipteng pau theda, Mma miing ungu mthung ngi ka am rek, tditta Parwaan tha ka am rek kjowm kcha ngi pau theda.

⁷Kintiing rek rawl karnaak ṭhida mdo pchaan nlam rang ki rutan rukka rot pik da. Ungu chati ungta miirek ungu pau ungta chati khim khai tuwnni rutan mdo thloi nrangki piida.

⁸Ungta dulti tuwnni ka am mii mkheng, ungu dultipaam mapṭhan du liitti mdo eayo dok Jaonao ava rinkhu Laaika thung ngi mmiing mdo kjit ma mii mkheng ngi ava luwkbuk ra.

⁹Knaa ka am ku mii khat mma ava ngi aryaa chso.

¹⁰Paam suwkki mdolo ra ku mii khat ma amta, paam suwkki chet chso; kaang ksaang ngi ku mii khat ksuryou ava kaang ksaang katti ksuryou ra. Hava thung ngi kdung kdiil dei leh kintiing rek lamrin chaak ava ka am.

¹¹Au dilli ktlok saa khat dulti thungki arhang kthuwk neiji deinu; Jaonao heppi markii knii ka am ungta ruwlrew khat heppi pauda.

¹²Ava ngi ru kri thokki saa ava maiṭhuwmmi rutan mkheng sinton da, ungu dulti leh mthung ngi ka am khim khaiji kdiyou rang ngi klim kdam ru kri thokki saa ava hin luw tpubuk lamda.

¹³Mii rek do sut na thung ngi parwaan ki mei arjung kupṭum kpha thu klin klin tngana nong rek tloda.

¹⁴Ungta saa maiṭhuwmmi nong mdo tlot nrangki tngana rek nong mdo rot pik ava ngi, dulti tuwn ka am rekka plei nei psuk lamda, kaang ksaang ngi klim anto daat joso kring daat saa pthla ava aseem lamso kdingi theda.

¹⁵Ungta saa ava pthla ngi mpau nra, ungu saa pthla ava luwkbuk kma rekka mdo eayo nra saa pthla ava thung ngi tdaal mdo piik nrang ki rot pik da.

¹⁶Kdil leh klin mikniing, suwang leh sra mikniing, kintek leh suwk mikniing mkheng ngi mchang ktong ki khut mdit mata mapchel leen inni kbiinam mdo thloi nraanki ruk tlo da.

¹⁷Ava leiji kbiinam tditta saa miing mdit mata msing miing kthloi miilai ava kma donle ku khat lee ngi kren mdit mata kjur pchaang me.

¹⁸Hava ava lousing mdo dit, kdeipandi mii ava ngi saa sing nga atai chso, mleija ava dultimii rek sing kurthuwk. Msing nga arjaa truk som truk lei truk.