Read Lamkang PAUPHUWN 7 Bible Online

PAUPHUWN 7 - Lamkang bible

PAUPHUWN 7

¹Hava dil tha Waan tamsii rek plii ngi, dultipaam markil plii thu rip daat lamda, dultipaam leen, truwn leen, mdit mata dinglung haikhei leenni tirthli mraan liit ma nra, dultipaam ki tirthli khur plii mdo kjown mer in ava neiji deinu.

²Au dilli kring Isowr ki kbiinam ksin ktlok Waan tamsii khat kniw thuwna ktongki arhang kthuwk neiji deinu, ungta dultipaam leh truwn sulkpurnul rang ki rutan mdo piik Waan tamsii rek plii hinni Mma ngi krowl kparyaa ngi owngda own lamda.

³Mma ngi theda, “Nenki Isowr sra owr rek pchel tunni kbii mnam du khim khai dulti mdit mata truwn mata dinglung haikhe sul purnul maan.”

⁴Ungta kbii mdo nam rek archaang neiji aryaa nu, Isreel chapa rek chati thungki khim khai punpii pun som plii lei plii ava kbii nam pik lamda.

⁵Judah chati thungki pun sowm lei knii, Ruben chati thungki pun sowm lei knii, Gad chati thungki pun sowm lei knii,

⁶Asher chati thungki pun sowm lei knii, Naptali chati thungki pun sowm lei knii, Manaseh chati thungki pun sowm lei knii,

⁷Simion chati thungki pun sowm lei knii, Levi chati thungki pun sowm lei knii, Isakhar chati thungki pun sowm lei knii,

⁸Yebulun chati thungki pun sowm lei knii, Joseph chati thungki pun sowm lei knii, Benjamin chati thungki pun sowm lei knii kbii nam pik lam da.

⁹Au dil tha neiji suwnu, ungu asuw in, ku mii khat lee dotai pchaan ma klin lang lang khat kurtuwl, chati khim khai thungki, sumkhur mkheng thungki miirek leh paurek, ava tkonna maiṭhuwm ungu Jaonao maiṭhuwm mi rip lamda, phrik kturrown kpowl ava naa sip lamda, mkhut thuwnni sipra arnaa ksin neiji deinu.

¹⁰Ungta krowl kparyaa langlang ngi mmaanni owng lamda, “Tku onna na tun ni kuk ong tkirliinna ava nenki Isowr leh Jaonao do!” kdingi the lamda.

¹¹Ungta Waan tamsii rek mkheng ngi tku onna tukhul dok lamda ungu kver rek leh kring saa rek tukhul dok lamda, ungta tku onna maiṭhuwmmi kuwn lamda ungu Isowr luwbuk lamda.

¹²The lamda, “Amen. Suwkṭha ungu laarknei, ungta lousing ungu tpanpaak, ungta takjat, ungu ruktang leh rutan kthloi ava kṭuw knai liit kma nenki Isowr! Amen!”

¹³Au dilli kver rek thungki khatti nei kihin mkhewl da, theda, “Phrik kpowl kturrown knaa rek ava kule da, ungu tva ki kthleng lamda?”

¹⁴Neiji Mma hin thenu, “Ocha, Nang ngi adee.” Ungbi Mma ngi nei kihin theda, “Hava mmaan ava suwk kthuwk klin langlang thungki kthleng lam, Jaonao hii ngi mphrik inna kpowl dang dang ngi mdo arsuk pik lam.

¹⁵Ava leiji mmaan ava Isowr ku onna maiṭhuwmmi ka am lam. Ungta Mma luwbuk Inn thu suwnjaan knai kma sok mdolo chaak in; ungu tku onna tunni kukong Mma ngi ma am nraan kpii chra.

¹⁶Mmaan ava mpoi in tham nime mning in kraal nime, kniw ngi sat lam nime mdit mata do khat lee ngi sat donle kapkaa amnime.

¹⁷Mleija tku onna mlaiṭim mi ka am Jaonao ava ngi krung chlamra, ungta kring diitlaang kphul ava kpha ngi kṭhi chlamra, ungu mmaan mik tun ki arthli khim khaija Isowr ri kuk knuwl pik chlamra.”