Read Lamnso 1 Wòŋ 24 Bible Online

1 Wòŋ 24 - Lamnso bible

1 Wòŋ 24

¹Akáŋ ve vé‑eè sìysìn ji wír vee ràm fo Aarone wáa lìm shoo vìne. Aaron‑eè kér wón ji Nadav, Abihu, Eleasar wùn à Itamar.

²Nadav wùn Abihu‑uù kpù mbìy fo tàr wov, aá yòʼ kér wón. Á bèy, Eleasar wùn Itamar ku nèn gòʼ ji atàá cù.

³Fòn Davir nèn wìy sìíy, e sìysì wír veé ram Aaron vìn aàkáŋ aàkáŋ mo lim sév sí‑iì yíi a dzə. Wír ve vé‑eè tomen wun e nsìysì foo fèyi dzə̀ Tsadok woo ràm fo Eleasar wùn Ahimelek woo ràm fo Itamar.

⁴Vé‑eè sìysì wír vee Eleasar ram, á wáa dzə lav si nshòv ntuùfú e ghvə̀m, bìʼ fo rám rəə́‑əə̀ kér atǎr kfəə anín, e shaà vee Itamar ram. Wír vee Itamar ramé‑eè dzə̀ kév lav waamé.

⁵Á kù‑uù shwéŋ ké wìr dzə̀m shwéŋén, e bó a dìn káŋ woo wo wìr, bìʼ fo kí‑iì gháʼ fóo shoʼ mo rám see sibaà sin sidzə̀m si‑iì kér atàá cù ve vé‑eè kér antaʼ e lav cù, kfə̀n kér ve vé‑eè kiìn kinyo ke Nyùy kijuujùŋ.

⁶Shemayia woo ŋgaà saŋ‑eè sàŋ yír sév. Wù‑uù dzə̀ wan Netanel woo wir rám Levi. Wù‑uù sáŋ yír sí bey, a wíri dzə̀ fó si. Aá dzə̀ jii, fon wùn aàtǎr ntoʼo, à Tsadok woo taà cù, à Ahimelek woo wan Abiyatar, à vitú ve kfəə se atàá cù si, e bóo lì vitú ve wìr veé ram Levi. Vé‑eè shwéŋ, fəər kfəə́ e mòʼón fo rám Eleasar, á nèn kfə̀n shwèŋ, e fə̀ə́r yímóʼó fó rám Itamar.

⁷Á shwéŋ bey, wìr mbìy wo kí‑iì koon kiwuú kfə́ wáa dzə Jehoyiariv. Wo wù‑uù batin wáa dzə Jedayia.

⁸Wìr woo ji taár wáa dzə Harim, woo kweè wáa dzə Seorim.

⁹Woo tàn wáa dzə Malkija, woo ntuùfú wáa dzə Mijamin.

¹⁰Woo saàmbà wáa dzə Hakkos, woo ji waamé wáa dzə Abija.

¹¹Woo bvə̀ʼə̀ wáa dzə Jeshua, woo ghvə̀m wáa dzə Shekania.

¹²Woo nshòv mòʼón e ghvə̀m wáa dzə Eliashiv, woo nshòv sibaà e ghvə̀m wáa dzə Jakim.

¹³Woo nshòv sitaár e ghvə̀m wáa dzə Huppa, woo nshòv sikweè e ghvə̀m wáa dzə Jeshebe‑Av.

¹⁴Woo nshòv sitàn e ghvə̀m wáa dzə Bilga, woo nshòv ntuùfú e ghvə̀m wáa dzə Immer.

¹⁵Woo nshòv saàmbà e ghvə̀m wáa dzə Hesir, woo nshòv waamé e ghvə̀m wáa dzə Happisses.

¹⁶Woo nshòv bvə̀ʼə̀ e ghvə̀m wáa dzə Petahia, woo mbaà wáa dzə Jeheskel.

¹⁷Woo nshòv mòʼón e mbaà wáa dzə Jakin, woo nshòv sibaà e mbaà wáa dzə Gamul.

¹⁸Woo nshòv sitaár e mbaà wáa dzə Delaya, woo nshòv sikweè e mbaà nèn a dzə Maasia.

¹⁹Á mo akáŋ vév lìme dzə̀kìn mo áwune‑eè yíi a dù e lav cù, a yiì lim yév é dzəə ye Aaron woo tàr wov‑iì naàrìn ne aáwune. A wù‑uù naàrì a dzə̀ mo NYÙY TÀR woo Nyùy wìr veé Isray‑iì yòŋèn e wun.

²⁰Atǎr kfəə vee kibér ke rám Levìi wáa dzə jii, fo wón Amrame, vé‑eè kér Shubael. Fo wón Shubaeli, á wáa ker Jehdeya.

²¹Fo wón Rehabiàa, yì‑iì dzə̀ Ishia ji taà kfəə.

²²Fo wón Ishari, á wáa ker Shelomot. Fo wón Shelomoti, yì‑iì dzə̀ Jahat.

²³Fo wón Hebrone, á wáa ker Jeria woo taà kfəə wo mbìy, e bó a ker ámóʼó jii, Amaria, Jahasiel, e lì Jekameam.

²⁴Fo wón Ussieli, á wáa ker Mika. Fo wón Mikàa, á wáa ker Shamir.

²⁵Mika‑aà kér fə́r və, a yírí dzə̀ Ishia. Fo wón Ishia, á wáa ker Sekariya.

²⁶Fo wón Merarìi, á wáa ker Maali wùn Mushi. Fo wón Jaasiàa, á wáa ker Beno.

²⁷Ké wón Merari vee ràm fo Jaasia, á wáa ker Shoham, Sakkur wùn à Ibri.

²⁸Fo wón Maalìi, á wáa ker Eleasar wo wù yòʼ‑oò ló a ker wán.

²⁹Fo wón Kishi, á wáa ker Jeraameel.

³⁰Fo wón Mushìi, á wáa ker Maali wùn à Eder, à Jerimot. Wír vìne kù dzə̀ wír veé ram Levi mo lav sév sí‑iì dzə̀kìn.

³¹Atǎr kfəə véví‑iì lo, á shwèŋ yév yee lim, kù mo afə́r vév vee wón Aarone‑eè shwéŋé. Áwune kù‑uù li wír ve vé‑eè ràmèn fo fə̀r woo ŋgàywìr, réŋréŋ mo vé‑eè li ve vé‑eè ràmèn fo fər və wo terí. Vé‑eè shwéŋ bèy, a wíri dzə́ fo, aá dzə̀ jii, Fòn Davir wùn à Tsadok, à Ahimelek, aàtǎr kfəə se atàá cù si, e bóo lì atǎr kfəə vee kibér ke rám Levi.