Read Lamnso 1 Wòŋ 25 Bible Online

1 Wòŋ 25 - Lamnso bible

1 Wòŋ 25

¹Fòn Davir wùn à vitú ve wíri ví‑iì shòʼtí wír ámóʼó fo wón Asaví mvəm, e shòʼtí sa fo vé Hemane, à fo vé Jedutune, e wày áwune é lìm yímóʼó jeéy. Áwune‑eè yíi a yòv, a tiisí ntum Nyùy, a kùm lúŋ sí, a kwaʼ vifá. Wír ve vé‑eè yíi a lìm lim rə̀ne víne, a vé‑eè yíi a lìm mo akáŋ véví dzə̀kìn.

²Fo wón Asavi, yì‑iì dzə̀ Sakkur, Joosev, Netania wùn à Asharela. Áwune‑eè lim e Asav woo tàr wóv sar, a yì‑iì fò fon vitaáví e wun, bo wù wáa tiisí ntum Nyùy.

³Fo wón Jedutune, yì‑iì dzə̀ Gedalia, Tsəri, Jeshayia, Shimey, Hashabia wùn à Mattitia. Áwune‑eè lim e Jedutun woo tàr wóv sar, a wù‑uù lo, wù wàa tiisí ntum Nyùy, a kùm lúŋ, a burí NYÙY TÀR, e kfə̀n a beèrì wun.

⁴Fo wón Hemane, yì‑iì dzə̀ Bukkia, Mattania, Ussiel, Shebuel, Jerimot, Hananiya, Hanani, Eliata, Giddalti, Romamti‑Eser, Joshbekasha, Malloti, Hotir, wùn à Mahasi‑Ot.

⁵Vin adzə̀me dzə̀ wón Heman woo ŋgaà si fòn. A Nyùy‑iì fò wón vin e wun mo wù‑uù kàʼàn, ji wun fiʼ kòʼór a ghay və́. Vee vilume‑eè dzə̀ nshòv sikweè e ghvə̀m, vee vikìy ataár.

⁶Wír vìn adzə̀me‑eè lim aàtàr véví sar, kum lúŋ sí, kwáʼ vifá ji nsùyrì Nyùy woó lav Nyùy. Asav wùn à Jedutun, à Heman‑eè lim e fòn sar, yú sáʼ fo fòn.

⁷Wír vìn wùn aàfə́r véví‑iì dzə̀ wír nshòv waamé e mwaamé e ghiì baà (288), aàdzə̀me kù‑uù dzə̀ wír ve vé‑eè yeʼeyin ne áwune, á kiíy kijuujùŋ mo dzə̀ á wàa yòv, a sùyrì NYÙY TÀR.

⁸Vé‑eè shwéŋ ghán sé lìm se wìr dzə̀m shwéŋén, shwéŋ sé wánlè, á shwèŋ sé ŋgàywìr, shwéŋ sé ŋgaà wo wù danèr yòv, á shwèŋ sé wánlè yòv.

⁹Vé‑eè shwèŋ bey, wíri nèn a dzə aàkáŋ aàkáŋ. Káŋ wo wù‑uù fəən mbìy dzə̀ wo Joosev woo wan Asav. Káŋ wo wù batin wáa dzə wo Gedalia wùn à wón vəə́, aàfə́r vəə́, aá dzə̀ wír nshòv sibaà e ghvə̀m.

¹⁰Káŋ woo taár wáa dzə wo Sakkur wùn à wón vəə́, aàfə́r vəə́, aá dzə̀ wír nshòv sibaà e ghvə̀m.

¹¹Káŋ woo kweè wáa dzə wo Isri wùn à wón vəə́, aàfə́r vəə́, aá dzə̀ wír nshòv sibaà e ghvə̀m.

¹²Káŋ woo tàn wáa dzə wo Netania wùn à wón vəə́, aàfə́r vəə́, aá dzə̀ wír nshòv sibaà e ghvə̀m.

¹³Káŋ woo ntuùfú wáa dzə wo Bukkia wùn à wón vəə́, aàfə́r vəə́, aá dzə̀ wír nshòv sibaà e ghvə̀m.

¹⁴Káŋ woo saàmbà wáa dzə wo Jesharela wùn à wón vəə́, aàfə́r vəə́, aá dzə̀ wír nshòv sibaà e ghvə̀m.

¹⁵Káŋ woo waamé wáa dzə wo Jeshayia wùn à wón vəə́, aàfə́r vəə́, aá dzə̀ wír nshòv sibaà e ghvə̀m.

¹⁶Káŋ woo bvə̀ʼə̀ wáa dzə wo Mattania wùn à wón vəə́, aàfə́r vəə́, aá dzə̀ wír nshòv sibaà e ghvə̀m.

¹⁷Káŋ woo ghvə̀m wáa dzə wo Shimey wùn à wón vəə́, aàfə́r vəə́, aá dzə̀ wír nshòv sibaà e ghvə̀m.

¹⁸Káŋ woo nshòv mòʼón e ghvə̀m wáa dzə wo Asarel wùn à wón vəə́, aàfə́r vəə́, aá dzə̀ wír nshòv sibaà e ghvə̀m.

¹⁹Káŋ woo nshòv sibaà e ghvə̀m wáa dzə wo Hashabia wùn à wón vəə́, aàfə́r vəə́, aá dzə̀ wír nshòv sibaà e ghvə̀m.

²⁰Káŋ woo nshòv sitaár e ghvə̀m wáa dzə wo Shubael wùn à wón vəə́, aàfə́r vəə́, aá dzə̀ wír nshòv sibaà e ghvə̀m.

²¹Káŋ woo nshòv sikweè e ghvə̀m wáa dzə wo Mattitia wùn à wón vəə́, aàfə́r vəə́, aá dzə̀ wír nshòv sibaà e ghvə̀m.

²²Káŋ woo nshòv sitàn e ghvə̀m wáa dzə wo Jeremot wùn à wón vəə́, aàfə́r vəə́, aá dzə̀ wír nshòv sibaà e ghvə̀m.

²³Káŋ woo nshòv ntuùfú e ghvə̀m wáa dzə wo Hananiya wùn à wón vəə́, aàfə́r vəə́, aá dzə̀ wír nshòv sibaà e ghvə̀m.

²⁴Káŋ woo nshòv saàmbà e ghvə̀m wáa dzə wo Joshbekasha wùn à wón vəə́, aàfə́r vəə́, aá dzə̀ wír nshòv sibaà e ghvə̀m.

²⁵Káŋ woo nshòv waamé e ghvə̀m wáa dzə wo Hanani wùn à wón vəə́, aàfə́r vəə́, aá dzə̀ wír nshòv sibaà e ghvə̀m.

²⁶Káŋ woo nshòv bvə̀ʼə̀ e ghvə̀m wáa dzə wo Malloti wùn à wón vəə́, aàfə́r vəə́, aá dzə̀ wír nshòv sibaà e ghvə̀m.

²⁷Káŋ woo mbaà wáa dzə wo Eliata wùn à wón vəə́, aàfə́r vəə́, aá dzə̀ wír nshòv sibaà e ghvə̀m.

²⁸Káŋ woo nshòv mòʼón e mbaà wáa dzə wo Hotir wùn à wón vəə́, aàfə́r vəə́, aá dzə̀ wír nshòv sibaà e ghvə̀m.

²⁹Káŋ woo nshòv sibaà e mbaà wáa dzə wo Giddalti wùn à wón vəə́, aàfə́r vəə́, aá dzə̀ wír nshòv sibaà e ghvə̀m.

³⁰Káŋ woo nshòv sitaár e mbaà wáa dzə wo Mahasi‑Ot wùn à wón vəə́, aàfə́r vəə́, aá dzə̀ wír nshòv sibaà e ghvə̀m.

³¹Káŋ woo nshòv sikweè e mbaà wáa dzə wo Romamti‑Eser wùn à wón vəə́, aàfə́r vəə́, aá dzə̀ wír nshòv sibaà e ghvə̀m.