Read Lamnso 1 Wòŋ 4 Bible Online

1 Wòŋ 4 - Lamnso bible

1 Wòŋ 4

¹Wír vee ràm fo Juda ámóʼó víne. Á dzə̀ jii, Peres, Hesron, Karmi, Hur wùn à Shobal.

²Reayia woo wan Shobal‑iì dzə̀ tàr à Jahat, a Jahat dzə̀ tàr à Ahumay wùn Lahad. Áwune dzə̀ wír ve vé‑eè dzə́ e Tsorat.

³Wón Etame‑eè[12] dzə̀ jii, Jesreel, Ishma wùn à Idbash. Yír jèmèr yeví‑iì dzə̀ Haselelponi.

⁴Penuel‑iì dzə̀ tàr à Gedor, a Eser dzə̀ tàr à Husha. Wír vìn adzə̀me dzə̀ rám Hur wo yì‑iì dzəə̀n wan Efrata wo mbìy, a dzə̀ wun tàr à wìr veé Betlehem.

⁵Ashhur woo tàr à wìr veé Tekoa‑aà kér vikìy abaà, a dzə̀ Hela wùn Naara.

⁶Ashhur wùn Naara‑aà dzə̀ə́ wón vee vilum akweè, aá dzə̀ jii, Ahusam, Hefer, Temeni wùn à Haahashtari. Á mo wón Naaràa‑aà dzəə̀n ben.

⁷Wón Helàa‑aà dzə̀ Tsəret wùn à Tsohar, à Etnan.

⁸Kos‑iì dzə̀ tàr à Anuv wùn Tsobeba, a wù kfə̀n‑eè dzə̀ tàr à kfəə ye yí‑iì loòn fo Aharhel woo wan Harum.

⁹Wìr wùmòʼ‑oò dzə̀, a yír rəə́ dzə̀ ji Jabes[13], a vé‑eè ghvə̀m wun e ŋàŋ, e shaà afə́r və́. Yè wov‑iì dzə̀ə́ wun, e shù yír rən, a yòŋ ji wun shu bèn a bìʼ fo wun‑eè dzəə wun, yú a nyár e ŋàŋ.

¹⁰Jabes wìy bùnrì Nyùy wìr veé Isray jii, «Kii wò, ku səə̀vì mo, e kùʼùr nsay yem. Kú a kìŋsìn mo, e làa yòʼ màʼtì, é m nəə́ é ŋgeʼ, a yu nyár.» Nyùy‑iì yù bunrì rə́, e fò wun kifá ke wù‑uù lóné.

¹¹Keluv woo fər Shuha‑aà kér wán, a yírí dzə̀ Mehir. Mehir nèn wìy a dzə tàr à Eshton,

¹²wo wù‑uù kér wón ataár ji Bet‑Rafa wùn à Pasea, à Tehinna. Tehinna‑aà dzə̀ tàr à wìr veé mvə̀mlaʼ yee Irnahash. Rám wìr vìne‑eè dzə́ e Reka.

¹³Wón Kenasi‑iì dzə̀ Otniel wùn Serayia. Wón Otnieli wáa dzə sa abaà, a dzə̀ Hatat wùn Meonotay[14].

¹⁴Meonotay nen wìy a dzə tàr à Ofra. Serayia‑aà dzə̀ tàr à Joav wo yì‑iì dzəə̀n tàr à wìr ve vé‑eè dzə́ e kirə̀ʼ ke vé‑eè yoŋ ji Kiwoóy ké Fèr, bìʼ fo wír vee fó adzə̀me‑eè dzəə̀n vé fèri.

¹⁵Wón Kalev woo wan Jefunnèe‑eè dzə̀ Iru wùn à Ela, à Naam. Wan Ela‑aà dzə̀ Kenas.

¹⁶Wón Jahalleli‑iì dzə̀ Tsiv, Sifa, Tiria wùn à Asarel.

¹⁷Wón Esràa‑aà dzə̀ Jeter, Mered, Efer wùn à Jalon. Mered‑iì kér wiíy, a dzə̀ wan Farao, a yírí dzə̀ Bitia. Wón ve Bitia‑aà dzəəné dzə̀ Miriam, Shammay wùn à Ishba. Ishba‑aà dzə̀ tàr à wìr veé Eshtemoa. Mered kfə̀n‑eè kér sa wiíy wùmòʼ, a dzə̀ wir kfəə Juda, wùn wun dzəə́ wón ataár, aá dzə̀ jii, Jered wo dzəə̀n tàr à wìr veé Gedor, à Heber woo tàr à wìr veé Soko, à Jekutiel woo tàr à wìr veé Sanoa.

¹⁹Wón Hodia ve wù‑uù dzəən wùn wiiy və woo jemèr Nahame dzə̀ atǎr wìr vee kfə́ə Garm, ve vé‑eè dzə́ e Keyla wùn aàtǎr wìr vee kfə́ə Maaka ve vé‑eè dzə́ e Eshtemoàa.

²⁰Wón Shimone‑eè dzə̀ ji Amnon, Rinna, Ben‑Hanan wùn à Tilon. Wón Ishìi wáa dzə Sohet wùn Ben‑Sohet.

²¹Wón Shela woo wan Judàa‑aà dzə̀ Er woo tàr à wìr veé Leka, à Laada woo tàr à wìr veé Maresha, à kfəə́ se sí‑iì dzə́ e ntèʼ yee Bet‑Ashbeàa, dzə́ bèy, bá ndzə̀y,

²²à Jokim wùn à wír ve á dzə́ e ntèʼ yee Kosebàa, à Joash wùn Sarav ve vé‑eè sáʼ nsay Moav wùn à Jashuvi‑Leheme. Vinyo vìn vi dzə̀ ve vé‑eè saŋen fó ŋgùʼ.

²³Wír vìne‑eè dzə́ e ntèʼ yee Netayim, à yee Gedera, dzə́ fo bèy, fer kíŋ sí, kfə̀n lim fo fòn.

²⁴Wón Simeone‑eè dzə̀ Nemuel, Jamin, Jariv, Sera, à Shaul.

²⁵Shaul nèn wìy a dzə tàr à Shallum, Shallum wáa dzə tàr à Mibsam, a Mibsam dzə̀ tàr à Mishma.

²⁶E lò fo Mishma, rámé nen kù dù fo mbìy, e shaà fo Hammuel woo wán və, à Sakkur woo wan Hammuel, e lì Shimey woo wan Sakkur.

²⁷Shimey‑iì kér wón vee vilum nshòv ntuùfú e ghvə̀m, kér vee vikìy ntuùfú. Afə́r Shimeyi yòʼ‑oò ló a ker wón anín. Á bèy, la rám Simeone yòʼ a dzə e nín moo yé Juda.

²⁸Rám Simeone‑eè dzə́ e virə̀ʼ vee jii, Beersheba wùn à Molada, à Hasar‑Shual,

²⁹à Bilha, à Etsəm, à Tolad,

³⁰à Betuel, à Horma, à Tsiklag,

³¹à Bet‑Markabot, à Hasar‑Susim, à Bet‑Biri, e lì Sha‑arayim. Á ŋkà se laʼ sév fo áwune‑eè dzə́, e wìy dù meé mo Fòn Davir‑iì kèʼèn, a saʼ.

³²Áwune kfə̀n‑eè kér ŋkà se laʼ símóʼ sí sitàn, a sí dzə̀ jii, Etam, Ayin, Rimmon, Token wùn à Ashan,

³³e bóo lì ntèʼ se sí‑iì kaarin ŋkà se laʼ sìn, e dù bèn, e dù, e meé e Baal. Á virə́ʼ vee fo rám Simeone‑eè dzə́. Vé‑eè dzə́ bèy, sáŋ vimfèr vee kùm rám yév, lemè.

³⁴Wír ve yì‑iì dzəə̀n atǎr kfəə see ràm fo Simeone dzə̀ jii, Meshobav, Jamlek, Josha woo wan Amatsiya, Joel, Jehu woo wan Joshibia, Joshibia woo wan Serayia, Serayia woo wan Asiel, Elionay, Jaakoba, Jeshohayia, Asaya, Adiel, Jesimiel, Benaya, Sisa woo wan Shifi, Shifi woo wan Allon, Allon woo wan Jedayia, Jedayia woo wan Shimri, e lì Shimri woo wan Shemayia. Kfə́ə sév sí wìy sìíy, a dzə̀sì wún, a kùʼ feyì.

³⁹Á nèn wìy lò, e dù e mboʼ yeé ghaa Gedor, a tàʼ yí nyàm e mbìv mboʼ yee lò fó Gedor, a dù e mbìv yee fo shùy yii tó.

⁴⁰Vé‑eè yèn yí ye juŋe fó, a nsay dzə̀ e bórín, néŋ e leŋ ji moòr, a fóo dzə̀ nyaáŋ, là kindzə́m. Vé‑eè wiy bèy, a wír ámóʼó‑oò lò a dzə fo, fo mbìy, a yì‑iì dzə̀ wír Ham.

⁴¹Ke kí‑iì dzəə̀n kí dzə̀ jii, yì‑iì dzə̀ e Fòn Hesekiya woó Juda ghan, atǎr ram Simeon ve á yòŋrìn yír sév víyi wìy, e nə̀ə́ wír Ham vìn e rə́r sí aáwuné virə̀ʼ vé dzə, e kfə̀n nə̀ə́ sa wír veé Meunim, e laàr áwune adzə̀m, á lày e dù e meé lán. Á bèy, wír vee rám Simeone nèn lò a dzə fo, bìʼ fo yí nyàme‑eè dzəə̀n fó kijuŋ.

⁴²A wír vee rám Simeon ámóʼó‑oò dù kév, a dzə e Gwan Seir. Vé‑eè dzə̀ wír ghii tàn, a vilìmbìy vév ví dzə̀ jii, Pelatia, Nearia, Refayia, e lì Ussiel, a dzə̀ wón Ishi adzə̀m.

⁴³Áwune dù, e yùyrí kibér ke wìr veé Amalek ke kí‑iì leʼen rə́r, e dù, a dzə fo. Wír vee rám Simeone ku nèn a dzə fo, e wìy to lán.