Read Lamnso 1 Wòŋ 6 Bible Online

1 Wòŋ 6 - Lamnso bible

1 Wòŋ 6

¹Levi‑iì kér wón ataár, aá dzə̀ ji Gershon, Kohat wùn à Merari.

²Kohat wáa ker wón akweè, aá dzə̀ ji Amram, Ishar, Hebron wùn à Ussiel.

³Amram wáa ker wón vee vilum abaà, a dzə̀ Aaron wùn Mooser, a woo wiíy dzə̀ Miriam. Aaron nèn wìy a ker wón akweè, aá dzə̀ ji Nadav, Abihu, Eleasar wùn à Itamar.

⁴Eleasar nèn wìy a dzə tàr à Finehas, Finehas wáa dzə tàr à Abishua,

⁵Abishua wáa dzə tàr à Bukki, a Bukki dzə̀ tàr à Ussi,

⁶a Ussi dzə̀ tàr à Serahia, a Serahia dzə̀ tàr à Merayiot.

⁷Merayiot wáa dzə tàr à Amaria, Amaria wáa dzə tàr à Ahituv.

⁸Ahituv wáa dzə tàr à Tsadok, Tsadok wáa dzə tàr à Ahimaas.

⁹Ahimaas wáa dzə tàr à Asaria, Asaria wáa dzə tàr à Johanan.

¹⁰Johanan wáa dzə tàr à Asaria. (Dzə̀ wun və̀n wo wù‑uù lim e lav cù ye Fòn Solomon‑eè bomen é Jerusalem).

¹¹Asaria wáa dzə tàr à Amaria, Amaria nèn wìy a dzə tàr à Ahituv.

¹²Ahituv wáa dzə tàr à Tsadok, a Tsadok dzə̀ tàr à Shallum.

¹³Shallum wáa dzə tàr à Hilkia, Hilkia woo tàr à Asaria.

¹⁴Asaria wáa dzə tàr à Serayia, a Serayia dzə̀ tàr à Jehosadak.

¹⁵Fòn Nebukadnessar‑iì lì Jehosadak ji wir sháŋ, e dù sho e Babilon, e ghan se NYÙY TÀR‑iì tsənsin wír veé Juda wùn à veé Jerusalem ámóʼó fó.

¹⁶Levi‑iì kér wón ataár, aá dzə̀ ji Gershon, Kohat wùn à Merari.

¹⁷Áwune adzə̀me‑eè kér sa wón. Wón Gershone‑eè dzə̀ Libni wùn Shimey.

¹⁸Wón Kohati‑iì dzə̀ Amram wùn à Ishar, à Hebron, à Ussiel.

¹⁹Wón Merarìi‑iì dzə̀ Maali wùn Mushi. Atǎr kfəə seé ram Levìi vìne mo lav sév sí dzə̀kìn.

²⁰Vee ràm fo Gershone dzə̀ jii, Libni, Jahat, Simma,

²¹Joa, Iddo, Sera, e lì Jeateray.

²²Vee ràm fo Kohati wáa dzə Amminadav, Kora, Assir,

²³Elkana, Ebiasav, à Assir wùmòʼ,

²⁴Tahat, Uriel, Ussiya, e lì Shaul.

²⁵Bo wón Elkanàa wáa dzə Amasay wùn Ahimot.

²⁶Atǎr kfəə vee ràm fo Ahimoti dzə̀ jii, Elkana, Tsofay, Nahat,

²⁷Eliav, Jeroham, Elkana, e lì Samuel[16].

²⁸Wón Samueli‑iì dzə̀ Joel[17] woo wan mbìy wùn Abija woo wan bàm.

²⁹Atǎr kfəə vee ràm fo Merarìi dzə̀ jii, Maali, Libni, Shimey, Ussa,

³⁰Shimea, Haggiya, e lì Asaya.

³¹Vé‑eè wìy e ŋkùv mensàŋ e Jerusalem, Fòn Davir nèn shòʼtí wír veé ram Levi ámóʼó, e wày kinyo ke yòv woo NYÙY TǍR lav aáwuné kiwo.

³²Áwune‑eè dzə̀ vé yòv e mbìy *kibàn ké ntàsín ké NYÙY TÀR, e dù, e meé mo Solomon‑eè bàʼrìn lav cù NYÙY TÀR é Jerusalem, aá kù yii lim yév e kfəə kfəə mo kijav ki‑iì dzəə̀n.

³³Wír ve vé‑eè tíy mbìyi víne wùn à yír sé atàr vév sí. Woó kfəə Kohat dzə̀ Heman, a wù dzə̀ kilìmbìy ke vé yòvi. Wù‑uù dzə̀ wan Joel wo yì‑iì dzəə̀n wan Samuel,

³⁴wo yì‑iì dzəə̀n wan Elkana woo wan Jeroham, woo wan Eliel woo wan Toa,

³⁵woo wan Tsuv, wo yì‑iì dzəə̀n wan Elkana woo wan Mahat, woo wan Amasay,

³⁶wo yì‑iì dzəə̀n wan Elkana woo wan Joel, woo wan Asaria woo wan Tsəfaniya,

³⁷wo yì‑iì dzəə̀n wan Tahat woo wan Assir, woo wan Ebiasav woo wan Kora,

³⁸wo yì‑iì dzəə̀n wan Ishar woo wan Kohat, woo wan Levi wo yì‑iì dzəə̀n wan Isray.

³⁹Asav wáa tom Heman, a dzə̀ kilìmbìy ke kaŋ yòv wo wù tíy e Heman koy yìyí. Wù‑uù dzə̀ wan Berekiya woo wan Shimea,

⁴⁰woo wan Mayker woo wan Baaseya, wo yì‑iì dzəə̀n wan Malkija,

⁴¹woo wan Etni woo wan Sera, woo wan Adaya,

⁴²wo yì‑iì dzəə̀n wan Etan woo wan Simma, woo wan Shimey,

⁴³wo yì‑iì dzəə̀n wan Jahat woo wan Gershon, wo yì‑iì dzəə̀n wan Levi.

⁴⁴Wír vee kfə́ə Merarìi nén a tiy kév e Heman koy ŋkoòvìi, a kilìmbìy kév kí dzə̀ Etan woo wan Kishi, wo yì‑iì dzəə̀n wan Abdi woo wan Malluk,

⁴⁵woo wan Hashabia woo wan Amatsiya, woo wan Hilkia,

⁴⁶wo yì‑iì dzəə̀n wan Amsi woo wan Bani, woo wan Shemer,

⁴⁷woo wan Maali, wo yì‑iì dzəə̀n wan Mushi woo wan Merari, wo yì‑iì dzəə̀n wan Levi.

⁴⁸Wír veé ram Levi ámóʼó ku nèn a yiì lim símóʼ sí é kibàn ké ntàsín ke dzəə̀n ji lav Nyùy.

⁴⁹Aaron wùn à rám rəə́‑əə̀ dzə̀ kév wír ve á yii cu si é *kiy cù woo wó cù ye tonèné, kfə̀n ton kiláy é *kiy cù kilay. Áwune kfə̀n‑eè yii sa vinyo vidzə̀m ve á lo, á yiì é kirə̀ʼ kee jeéy kí féyì, e bóo man ajay wìr veé Isray, aá kù yii vinyo vìn vidzə̀m réŋréŋ mo Mooser woo ŋgaà lìm Nyùy‑iì yòŋèn.

⁵⁰Rám Aarone nén a dzə jii, Eleasar woo wán və, Finehas woo wan Eleasar, Abishua woo wan Finehas,

⁵¹Bukki woo wan Abishua, Ussi woo wan Bukki, Serahia woo wan Ussi,

⁵²Merayiot woo wan Serahia, Amaria woo wan Merayiot, Ahituv woo wan Amaria,

⁵³Tsadok woo wan Ahituv, à Ahimaas wo dzəə̀n wan Tsadok.

⁵⁴Vé‑eè lóo jàv nsay e wír vee ràm fo Levìi, rám Aaron woo wir kfəə Kohati nèn a ker kilíŋ ke mbìy ki kée koóy kirə́ʼ. Virə́ʼ ve vé‑eè foon aáwune ví víne.

⁵⁵Vé‑eè fò Hebron e nsay ràm yee Juda, e tàtí wùn à kwáʼ bvəy wo wú‑uù kaarin fóo,

⁵⁶e nèn fò súm sí wùn à ntèʼ see fó si, a dzə̀ e Kalev woo wan Jefunne.

⁵⁷Ŋkà se laʼ se vé‑eè foon e rám Aarone, e nsay Juda ji sé kilìr[18] si nén a dzə jii, Hebron wùn à Libna, à Jattir, à Eshtemoa,

⁵⁸à Hilen, à Debir,

⁵⁹à Ashan, e lì Bet‑Shemesh. Vé‑eè fó bèy, fó kwáʼ bvəy woo fó.

⁶⁰E nsay rám Benjamin, vé‑eè fò áwune ŋkà se laʼ see Geba wùn à Alemet, à Anatot. Vé‑eè fó bèy, fó kwáʼ bvəy woo fó. Ŋkà se laʼ se vé‑eè jàvìn e rám Aarone mo kfə́ə sév sí dzə̀kìn, sí nén a dzə nshòv sitaár e ghvə̀m.

⁶¹Kibér ke wìr veé kfəə Kohat ki‑iì kòóy ŋkà se laʼ e ghvə̀m e nsay ye vé‑eè foon e kintoʼnìn ke rám Manasse ki.

⁶²Ké kfəə Gershon, vé‑eè fò áwune ŋkà se laʼ e nsay rám Issakar, e fò é nsay rám Asher, e fò e ye Navtali, e fò e ye Manasse e wòŋ Bashan, sidzə̀m si wáa dzə nshòv sitaár e ghvə̀m mo lav se kfəə rə̀n si dzəə̀n.

⁶³Ké kfəə Merari e melav melav, vé‑eè fò áwune ŋkà se laʼ e nsay rám Ruben, e fò e ye Gad, à e ye Sebulun. Sidzə̀m si wáa dzə nshòv sibaà e ghvə̀m réŋréŋ mo lav sév sí dzəə̀n.

⁶⁴Á ŋkà se laʼ se wír veé Israyi‑iì foon e kfəə́ seé ram Levi si, fó bèy, fó kwáʼ bvəy.

⁶⁵A vé‑eè shwèŋ, e bóo fo virə́ʼ ve á yòŋrìn vin, ve ví dzəə̀n é nsay rám Juda wùn à e ye rám Simeon, à e ye rám Benjamin.

⁶⁶Wír veé kfəə Kohat ámóʼó nen kòóy sév see ŋkà se laʼ a dzə̀ é nsay rám Efrayim, aá fó aáwune mo lav sév sí dzə̀kìn.

⁶⁷Ŋkà se laʼ se vé‑eè foon aáwune ji sé kilìr si dzə̀ jii, Shekem, e wòŋ agwan woó Efrayim, à Geser,

⁶⁸à Jokmean, à Bet‑Horon,

⁶⁹à Ayjalon, à Gat‑Rimmon. Vé‑eè fó bèy, fó kwáʼ bvəy woo fó.

⁷⁰E nsay kintoʼnìn ke rám Manasse, vé‑eè fò Aner, e kfə̀n fò Bileam wùn à kwáʼ se bvəy sév sí e kibér ke lav see kfə́ə Kohat sìy si.

⁷¹Vé‑eè fò kfə́ə Gershon virə́ʼ ve dzəə̀n nsay kintoʼnìn ke rám Manasse, a ví dzə̀ jii, Golan e wòŋ Bashan, à Ashtarot wùn à kwáʼ sév sé bvəy si.

⁷²E nsay rám Issakar, á fó áwune Kedesh wùn à Daberat,

⁷³à Ramot, à Anem, fó bèy, fó kwáʼ bvəy woo fó.

⁷⁴E nsay rám Asher, á fó áwune Mashal wùn à Abdon,

⁷⁵à Hukok, à Rehov, fó bèy, fó kwáʼ bvəy.

⁷⁶E nsay rám Navtali, á fó áwune Kedesh e ŋgvən Galeli wùn à Hammon, à Kiriatayim, fó bèy, fó kwáʼ bvəy.

⁷⁷Ké kiber ke wìr vee kfə́ə Merari, vé‑eè fò áwune Rimmono wùn Tabor e nsay rám Sebulun.

⁷⁸E nsay rám Ruben, e ndzə̀n Jordan, e mbìv yee fo shùy yii tó, á fó virə́ʼ vímóʼ ví, aá shaá ne Jeriko, a ví dzə̀ jii, Beser wo wù dzəə̀n é woʼ, e kfə̀n fò Jahas

⁷⁹wùn à Kedemot, à Mefa‑At, fó bèy, fó kwáʼ bvəy woo fó.

⁸⁰E nsay rám Gad, á fó Ramot Gilead wùn à Mahanayim,

⁸¹à Heshbon, à Jaser, fó bèy, fó kwáʼ bvəy woo fó.