Read Lamnso Nehemia 7 Bible Online

Nehemia 7 - Lamnso bible

Nehemia 7

¹Mo á bomen kay, m kfən wàyrí shuu sidzə̀m mo sí kér fó a dzə, á nèn lèm wír ve á shiy shuu si, e kfə̀n lèm vé yòvi, à wír veé ram Levìi, aáwuné virə̀ʼ vé lìm.

²M nèn lèm fə́r wom woo Hanani wùn Hananiya ji á wáa saʼ a Jerusalem. Hananiya‑aà dzə̀ wír wo wù‑uù leey kikum keé ŋkàlaʼ Jerusalem, a wù‑uù dzə̀ wir suuyrú, kfə̀n ghvə́m Nyùy, a bó wìr woo moo wun yòʼ‑oò dzə̀.

³M nèn yòŋ aáwune ji á wáa yen a fóo wìy mvə̀ʼ shuu se kày yeé Jerusalem, a bó shùy lúm. Mo vé shìy veé shùu kàyi kù wíy a tiy fo, bo á kù wíy a sətí shuu se kày e ŋkuùr, a fìnrì e kóŋ sé mfìn si. M kfən yòŋ ji áwune shóʼtí á wír veé Jerusalem ámóʼó, aá wáa shìy a sa virə́ʼ vee jeéy vímóʼ ví, aámóʼó wáa shìy a dzə̀ á gháŋ se laʼ sév.

⁴Ŋkàlaʼ Jerusalem rə̀n‑eè dzə̀ e kuʼùn féyì, a wíri dzə̀ fó ashàr, a bó á yòʼ‑oò ló ne bòm lav si sinín.

⁵Nyùy nèn kùm shilív shém ji m báʼtí á wíri wùn à vilìmbìy vév ví, à vé saʼa, e sàŋ á yír sév mo kfəə́ si dzə̀kìn. M tombìy yèn ŋwàʼ kfəə se sí‑iì wìyìn mbìy, aá sáŋ shó jii,

⁶«Vine dzə̀ wír veé kishev ke wòŋ ve Nebukadnessar woo fon woó Babilon‑eè koorin, e dù sho, á dù, a rèŋ vikwàn fó, e bóo kfən e bàm é Jerusalem wùn ǎ Juda, a wìr kfə́n aáwuné ŋkàlaʼ.»

⁷Áwune‑eè kfə̀n wùn à Serubbabel, à Jeshua, à Nehemia, à Asaria, à Raamia, à Nahamani, à Mordekay, à Bilshan, à Misperet, à Bigvay, à Nehum, e bóo lì Baana. Kfəə́ seé Isray se sí‑iì kfənen sí sìne mo vilum véví‑iì dzəə̀n.

⁸Rám Paroshi‑iì dzə̀ wír nshòv sibaà e msaàmbà e wiì aànsə̀kìi abaà (2,172).

⁹Yé Shefatia, wír nshòv sibaà e msaàmbà e ghiì taár (372).

¹⁰Yé Ara, wír nshòv sibaà e mtàn e ghiì ntuùfú (652).

¹¹Yé Pahat‑Moav, ye dzəə̀n wón Jeshua wùn Joav, wír nshòv waamé e ghvə̀m e ghiì waamé aànsə̀kìi abaà (2,818).

¹²Yé Elam, wír nshòv sikweè e mtàn e ghiì baà e nsə̀kì (1,254).

¹³Yé Sattu, wír nshòv sitàn e mkweè e ghiì waamé (845).

¹⁴Yé Sakkay, wír kishóv mntuùfú é ghiì saàmbà (760).

¹⁵Yé Binnuy, wír nshòv waamé e mkweè e ghiì ntuùfú (648).

¹⁶Yé Bebay, wír nshòv waamé e mbaà é ghiì ntuùfú (628).

¹⁷Yé Asgad, wír nshòv sibaà e mbaà é ghiì taár aànsə̀kìi abaà (2,322).

¹⁸Yé Adonikam, wír nshòv saàmbà e mntuùfú é ghiì ntuùfú (667).

¹⁹Yé Bigvay, wír nshòv saàmbà e mntuùfú aànsə̀kìi abaà (2,067).

²⁰Yé Adin, wír nshòv sitàn e mtàn e ghiì ntuùfú (655).

²¹Yé Ater, ye yí loòn fo Hesekiya, wír nshòv waamé e mbvə̀ʼə̀ (98).

²²Yé Hashum, wír nshòv waamé e mbaà é ghiì taár (328).

²³Yé Betsay, wír nshòv sikweè e mbaà é ghiì taár (324).

²⁴Yé Hariv, wír nshòv sibaà e ghvə̀m e wiì (112).

²⁵Yé Gibeon, wír nshòv sitàn e mbvə̀ʼə̀ (95).

²⁶Wír veé Betlehem wùn à veé Netofàa, wír nshòv waamé e mwaamé e wiì (188).

²⁷Wír veé Anatot, wír nshòv waamé e mbaà é wiì (128).

²⁸Veé Bet‑Asmavet, wír nshòv sibaà e mkweè (42).

²⁹Veé Kiriat‑Jearim wùn à veé Kefiràa, e lì veé Beerot, wír nshòv sitaár e mkweè e ghiì saàmbà (743).

³⁰Veé Rama wùn à veé Gebàa, wír nshòv mòʼón e mbaà é ghiì ntuùfú (621).

³¹Veé Mikmas, wír nshòv sibaà e mbaà é wiì (122).

³²Veé Betel wùn à veé Ayi, wír nshòv sitaár e mbaà é wiì (123).

³³Veé Nebo wùmòʼ, wír nshòv sibaà e mtàn (52).

³⁴Veé Elam wùmòʼ, wír nshòv sikweè e mtàn e ghiì baà e nsə̀kì (1,254).

³⁵Veé Harim, wír kishóv mbaà é ghiì taár (320).

³⁶Veé Jeriko, wír nshòv sitàn e mkweè e ghiì taár (345).

³⁷Veé Lod wùn à Hadid, à Ono, wír nshòv mòʼón e mbaà é ghiì saàmbà (721).

³⁸Veé Senaa, wír kishóv mtaár e ghiì bvə̀ʼə̀, aànsə̀kìi ataár (3,930).

³⁹Rám sé atàá cù si‑iì dzə̀ jii, Yé Jedayia woo Jeshua kfəə, wír nshòv sitaár e msaàmbà e ghiì bvə̀ʼə̀ (973).

⁴⁰Yé Immer, wír nshòv sibaà e mtàn e nsə̀kì (1,052).

⁴¹Yé Pashur, wír nshòv saàmbà e mkweè e ghiì baà e nsə̀kì (1,247).

⁴²Yé Harim, wír nshòv saàmbà e ghvə̀m e nsə̀kì (1,017).

⁴³Wír ve dzəə̀n ji rám Levìi‑iì dzə̀ jii, Rám Jeshua wùn à yé Kadmiel, à yé Binnuy, à yé Hodevàa, wír nshòv sikweè e msaàmbà (74).

⁴⁴Vé yòvi veé ram Asav, wír nshòv waamé e mkweè e wiì (148).

⁴⁵Rám wìr ve á leey lav cùu‑uù dzə̀ jii, yé Shallum wùn à yé Ateri, à yé Talmone, à yé Akkuvi, à yé Hatitàa, e bóo lì yé Shobay, wír nshòv waamé e mtaár e wiì (138).

⁴⁶Vé lìm vée lav cùu wáa dzə jii, rám Tsiha, yé Hasufa, yé Tabbaot,

⁴⁷yé Keros, yé Sia, yé Padon,

⁴⁸yé Lebana, yé Hagaba, yé Shalmay,

⁴⁹yé Hanan, yé Giddel, yé Gahar,

⁵⁰yé Reayia, yé Resin, yé Nekoda,

⁵¹yé Gassam, yé Ussa, yé Pasea,

⁵²yé Besay, yé Meunim, yé Nefushesim

⁵³yé Bakbuk, yé Hakufa, yé Harhur,

⁵⁴yé Baslit, yé Mehida, yé Harsha,

⁵⁵yé Barkos, yé Sisera, yé Temaa,

⁵⁶yé Nesia, e lì yé Hatifa.

⁵⁷Rám se sí‑iì loòn fo aŋgàa lìm Solomon si‑iì dzə̀ jii, yé Sotay, yé Soferet, yé Perida,

⁵⁸yé Jaala, yé Darkon, yé Giddel,

⁵⁹yé Shefatia, yé Hattil, yé Pokeret‑Hassebayim, e lì yé Amon.

⁶⁰Rám sé vé lìm veé lav cù wùn à sé aŋgàa lìm Solomon si‑iì dzə̀ wír nshòv sibaà e mbvə̀ʼə̀ e ghiì taár (392).

⁶¹Wír ámóʼó‑oò lò fó Tel‑Mela wùn à fó Tel‑Harsha, à fó Keruv, ámóʼó fó Addon, e lì veé Immer, a bó á yòʼ‑oò ló a ker kifá ke kí tóʼór ji áwune dzə̀ á rám yeé Isray.

⁶²Wír vìne‑eè dzə̀ rám Delaya wùn à yé Tobia, à yé Nekodàa, wír nshòv sibaà e mkweè e ghiì ntuùfú (642).

⁶³Wír ámóʼó nén a dzə ve dzəə̀n sá kfə́ə atàá cù, a dzə̀ wír veé ram Habayia wùn à yé Hakkosi, e bóo lì yé Barsilay, wo wù‑uù loòn, e wày wiíy e lav, a dzə̀ wan Barsilay woo wír woó Gilead, á nèn a yòŋ wun a dzə̀ e tàr à wiíy yir.

⁶⁴Wír vìne‑eè dzə̀, a vé‑eè tàʼ kifá ke kí tóʼór rám yév, e làa yòʼ yen. Á nèn fə̀ə́r áwune fó ŋgoo atàá cù ji bó áwune yòʼ dzə̀ á aránén.

⁶⁵Taà saʼ nèn sùúy aáwune jii, «A taà cù bùŋ wóo toʼór áwune e Urim wùn Tumim[10], bo bó yòʼ dzə̀ áwune wàa yi a vifá ve yi vee jeéy ví.»

⁶⁶Màŋgòŋ və̀n e dzə̀m‑eè dzə̀ wír kishóv mntuùfú e ghiì taár aànsə̀kìi nshòv sibaà e mkweè (42,360),

⁶⁷e bóo lì aŋgàa lìm vév vee vilum wùn à vee vikìyí. Vee shoone‑eè dzə̀ wír nshòv saàmbà e mtaár e ghiì taár e nsə̀kì saàmbà (7,337). Áwune kfə̀n‑eè kér vé yòv vee vilum wùn à vee vikìyí, wír nshòv sitàn e mkweè e ghiì baà (245).

⁶⁸Áwune‑eè kér nyám se ŋkoʼ nshòv ntuùfú e mtaár e ghiì saàmbà (736) wùn à vimbèʼbìy vé nyàmŋkoʼ vi nshòv sitàn e mkweè e ghiì baà (245),

⁶⁹aàkameri nshòv sitàn e mtaár e ghiì kweè (435), e lì vimbèʼbìy kishóv mbaà é ghiì saàmbà e nsə̀kì ntuùfú (6,720).

⁷⁰Vilìmbìy ve kfəə vímóʼ ví‑iì suʼ vifá vé a tom lim sho. Ŋgaà saʼ woó kishev ke wòŋ‑eè fó *kisha ke mbàm ke baar kí moo kilu waamé bey, à vighín ví mtàn (50), à vikúm vé atàá cù vi kishóv mtaár e ghiì tàn (530).

⁷¹Atǎr kfəə ámóʼó sùʼ vifá vée tom lim sho, e wày é kitàv ké lìm, a yì‑iì dzə̀ kisha ke mbàm ke baar kí moo kilu nshòv waamé e mntuùfú e wiì bey (168), wùn à kisha ke mbàm ke fəvír kí moo kilu kishóv mtàn e ghiì baà é nsə̀kì (1,250) bèy.

⁷²Kifá kidzə̀m ke kibér ke wíri kí‑iì foon kí‑iì dzə̀ kisha ke mbàm ke baar kí moo kilu nshòv waamé e mntuùfú e wiì bey (168) wùn à kisha ke mbàm ke fəvír kí moo kilu kishóv mkweè e wiì bey (140), e bóo lì vikúm vé atàá cù nshòv saàmbà e mntuùfú (67).

⁷³Atàá cù wùn à wír veé ram Levìi, à wír ve á leey lav cùu, à vé yòvi, à vé lìm veé lav cùu, e lì ámóʼó vee wír wùn à kibér ke wìr keé Isray ki nèn dù, a dzə a dzə̀ aáwuné ntèʼ sí. Ŋwee wo wú meen ji saàmbàa‑aà fəə́, a wír veé Israyi sì aáwuné ntèʼ sí.