Read Lamnso Nsùyrì Nyùy 1 Bible Online

Nsùyrì Nyùy 1 - Lamnso bible

Nsùyrì Nyùy 1

¹Bòŋ ké wìr wo wù yòʼ yuúri ntir wìr ve á méŋ Nyùy, a bó wù yòʼ biʼnìn liì wìr ve bií, a bó wù yòʼ táti wír ve á shéʼ Nyùy.

²Vifií vé ŋwèrín ví kù tíy a dzə̀ é Ŋwàʼ Nsər NYÙY TÀR, a wù nèn yoŋè, kwaʼtì sho ghán sidzə̀m, à shùy, à vitsə́ʼə́.

³Wù dzə̀ moo kicí ke á bìyìn é ghaa ndzəv, a kí koom ghán sidzə̀m, a vav sə́ sí yòʼ yii sooyì. Kinyo kfə́ kidzə̀m ki kér shintíy she juŋ shi.

⁴Ké wìr ve á méŋ Nyùy ki yòʼ dzə̀ bey. Áwune dzə̀ kév moo mvə́y se shwéri feer feèrín.

⁵Wír ve á yii vinyo ve bi ví yòʼ wíy bòy fo Nyùy nsaʼ, a bó áwune yòʼ wíy a ker sa kilíŋ e wír ve á yii réŋé mvəm.

⁶NYÙY TÀR kù yii shiy wír ve á yúnin wun, a wír ve á méŋ wune kù wíy lày kév láyin kisáŋ ŋkuuŋkùŋ.