Read Lamnso Nsùyrì Nyùy 101 Bible Online

Nsùyrì Nyùy 101 - Lamnso bible

Nsùyrì Nyùy 101

¹[118] NYÙY TÀR, m yíi a yòv, a burí wò, a fèr mo à yii tíy e wò jì, yii kinyo ké tìítiy.

²M yíi a tiír kiwúu kém a fìʼ, a dzə là nsem. Éè Nyùy, à yíi wìy, a tavír mo, a dzə̀ é ghàn ka? M kù yíi a saʼ ntoʼ yem é dzəə yee réŋ, shilív shimòʼón,

³bó m yòʼ yíi a way kiwó kém é kifa ke bi kí. Bó m yòʼ koŋ lim wìr ve á bìnèn ne ndzə̀m e Nyùy, a bó yòʼ dzə̀ m wày kiwó kém shó.

⁴Liì kisaŋ yíi a dzə kwaʼda fo mò, a bó m yòʼ yíi a way kiwó kém é kinyò ke bi kí.

⁵M yíi laàr wír wo wù tóy kinyo e fər və́ bàm. Bó m yòʼ yíi fo kintóʼ e wìr wo wù kóʼor wún, wír wo wù kù yén a dzə̀ kitú kfə́.

⁶M kù yíi leéy a dzə̀ wír veé wòŋ vee jwáʼ, e bóo lì ji vèr áwune wáa rəsí e ntoʼ. Wìr lóo dzə woo là nsem, bo dzə̀ wo wù yíi a lìm fo mò.

⁷Bó wìr wo wù káŋ lám yòʼ yíi a lìm e mǒ ntoʼ, a bó yòʼ dzə̀ wír wo wù bóʼti kimboʼtì gòʼ e mǒ ghaŋ.

⁸M yíi a laàr wír ve á méŋ Nyùy adzə̀m fo mǒ wòŋ. M yíi a laàr áwune mo kishiíy kí dzəə̀n. M kù yíi fəə́r wír ve bií fo NYÙY TǍR ŋkàlaʼ adzə̀m.