Read Lamnso Nsùyrì Nyùy 11 Bible Online

Nsùyrì Nyùy 11 - Lamnso bible

Nsùyrì Nyùy 11

¹[12] M lir a dzə̀ e NYÙY TǍR wùn, a dzə̀ vèn ghàn é le, e bó a suúy e mò jii, «Féŋ é njà shinə̀n, e kòʼ áàgwan.

²Yén ri mo wír ve á méŋ Nyùyi daàn ne kinte, e tìím e kilìr, e tìír mvən sho, a lov ji á maʼ, e tè wír wo shilív sə́ shí dzəə̀n tìítiy sho.

³Aá kètì ne vinsə̀ŋ, bo dzə̀ wír ve á yúnin Nyùyi kfə̀n yèe lèn?»

⁴NYÙY TÀR kù dzə́ e wun lav cù ye ranén. NYÙY TÀR kù dzə́ e wun kàvàʼ woó yuv. Wù dzə́, shwéʼ wir msòŋ, kaʼày áwune.

⁵NYÙY TÀR kaʼày wír wo wù yúnin wun, kaʼày wo wù méŋ wun, a shilív sə́ shí tún wo wù koŋ melaà.

⁶Ké wìr ve á méŋ wun, NYÙY TÀR kù yíi màʼ və́y aáwuné kitu, a dzə̀ və́y wo wú shwí, baári moo mekàŋ, aáwune kù yíi a yu, a virə́ʼ ví ríʼsin rìʼsín.

⁷NYÙY TÀR kù yii yii vinyo tìítiy. Wù yii koŋ yii yee tìítiy, a wír ve melív mev mè dzəə̀n tìítiyi kù wíy a wàrkìr e wun si.