Read Lamnso Nsùyrì Nyùy 113 Bible Online

Nsùyrì Nyùy 113 - Lamnso bible

Nsùyrì Nyùy 113

¹Á wáa burí NYÙY TÀR. Éè wír NYÙY TÀR, vèn wáa burí wun. Vèn wáa koʼór yír rə́.

²Á wáa wùʼsì yír NYÙY TÀR, e kèʼ fo lèn, e dù, e jòʼsì.

³Kèʼ fo shùy tó, e dù, e meé fo yì nəə, a dzə̀ á kù a koʼór yír NYÙY TÀR.

⁴NYÙY TÀR taá e vitúm vidzə̀m ví kitu, a vikuʼùy və́ ví dù, e mèé e ntoò yùv.

⁵Dzə̀ la moo NYÙY TÀR woo Nyùy wòsən, wun wo wù sáʼ vifon e ntoò yùv.

⁶Wù gvə́ʼti, maʼ sí, leey yúv wùn à nsay.

⁷Wù nan gháy aghéʼncey, fəər vé kitàne fó mvə̀m ŋgeʼ.

⁸Wù dzəʼə̀r áwune wùn à wón ntoʼo, wír vəə́ wàa ghvəm áwune moo kfə́ə fòn.

⁹Wù lo, wù fò wiíy woo kár láʼ, e yiì, wù kfə̀n ji yeè wòn, a sheʼrí. Á wáa burí NYÙY TÀR.