Read Lamnso Nsùyrì Nyùy 12 Bible Online

Nsùyrì Nyùy 12 - Lamnso bible

Nsùyrì Nyùy 12

¹[13] Éè NYÙY TÀR, ku sə̀ ver, bó wìr wo wù tíy e wò kinyò yòʼ dzə̀ə́, a wìr jwáʼ yòʼ kfə̀n dzə̀ə́ e wìr msǒŋ mvəm.

²Wìr dzə̀m kù sì ŋgaà lam baà, bóʼti a dzə̀ kimboʼtì e fər və, leerì wun e shúu.

³Éè NYÙY TÀR, ku laàr nsùyrì woo fó shuù, à lám kinsùmrìwùné.

⁴Á sévti jii, «Kinyo kér kí dzə̀ kér, a dzə̀ vèr sùúy kinyo ke vèr koŋè. A dzə̀ sə̀r la ver?»

⁵NYÙY TÀR suúy kfə́ jii, «Mo‑óò lo lèn, é vèn yén. Mo vèn nyavrì e vé kitàne, a vé ŋgeʼe ŋéyti sóŋ, m yíi kaáy, a kìŋsìn áwune mo á diyì.»

⁶Jí se NYÙY TÀR sí dzə̀ rú là kiloʼ, moo *kisha ke mbàm ke á tònèn é kilàm, e rànér kàŋ saàmbà.

⁷NYÙY TÀR kú a kìŋsìn ver, a shìy ver fo ŋgwàʼ ye bi rə̀n ghán sidzə̀m.

⁸Wír ve bií sí ghánen virə́ʼ vidzə̀m, a wìr msòŋ kù bínsi a dzə̀ liì kisaŋ.