Read Lamnso Nsùyrì Nyùy 122 Bible Online

Nsùyrì Nyùy 122 - Lamnso bible

Nsùyrì Nyùy 122

¹[135] Mò‑oò yú vijuŋ feyì mo vé‑eè yòŋèn e mò jii, «Vèsən wáa dù e NYÙY TǍR lav.»

²Éè Jerusalem, ver víne, aá sí tíy e wò shùu kibùʼ.

³Jerusalem wo á bàʼrìn moo ŋkàlaʼ, wù dzə̀ kilàŋsìn, a tiy kitávín.

⁴Dzə̀ fo rám seé Isray si yii kóʼó, rám sé wìr NYÙY TÀR, kóʼ ji á wáa wùʼsì yír NYÙY TÀR, réŋréŋ mo wù‑uù foon sáʼ e Isray.

⁵Dzə̀ fo á yii maʼ akàvàʼ veé Isray, aàfon vee Davir ramé tínen vinyo veé wòŋ.

⁶Vèn wáa bùnrì ji nyaáŋ wáa dzə e Jerusalem, a lon ji wír ve á koŋ Jerusaleme wáa dzə kijuŋ.

⁷Nyaáŋ wáa dzə e ŋkàlaʼ, é wír ve á dzə́ e ntoʼo wáa dzə là kinyo ké a fàn.

⁸Bìʼ koŋ ye m kér fo afə́r vémé wùn aàŋgaà vém ŋgoo, m wáa bùnrì ji nyaáŋ kú a dzə e vèn veé Jerusalemé mvəm.

⁹Fo kòŋ ye m kér bìʼ lav cù NYÙY TÀR woo Nyùy wòsən, m nén a lon ji NYÙY TÀR ku yiì, é vèn wáa dzə kijuŋ.