Read Lamnso Nsùyrì Nyùy 125 Bible Online

Nsùyrì Nyùy 125 - Lamnso bible

Nsùyrì Nyùy 125

¹[138] Wír ve á wayin shilív e NYÙY TǍR wùné dzə̀ moo Gwan Sion, wo bó yòʼ dzə̀ kifá ki sə̀ʼ, a wù tíy ji ŋkǐŋ ghán sidzə̀m.

²Mo agwane gìŋèn Jerusalem, e tàr, dzə̀ réŋréŋ mo NYÙY TÀR giŋ wír və́, e kèʼ fo lèn, e dù, e jòʼsì.

³Bó wír ve á méŋ NYÙY TÀRí yòʼ wíy gòʼ, a saʼ woŋ wo Nyùy‑iì foon e wír ve á yúnin wune, fo wír ve á yúnin wune səv wó, e nə̀ə́ e liì kisaŋ.

⁴Éè NYÙY TÀR, ku yiì kijuŋ e wír ve á yii kijúŋe, à ve kwaʼtì yéví kù tíy a dzə̀ é vinyò vee tìítiyi.

⁵Yii bèy, ké wìr ve á bin kév é dzəə sé kisaŋ si, NYÙY TÀR ku jùm áwune júmen fo wun si wùn à wír ve bií. Nyaáŋ wáa dzə e Isray.