Read Lamnso Nsùyrì Nyùy 126 Bible Online

Nsùyrì Nyùy 126 - Lamnso bible

Nsùyrì Nyùy 126

¹[139] NYÙY TÀR‑iì siìr wír və́ é bàm, á kfə́n é Jerusalem fo kwaʼ nsàm, wáa dzə mo shì njèm ver.

²Á bèy, vèr wáa yu vijuŋ, a seŋ, a sàvnìn. Vitúm vímóʼ ví wáa ghaynín áwune áwune jii, «NYÙY TÀR yiì ne kinyo ke ghaʼtín kí e wír vìne.»

³Rúrú, NYÙY TÀR yiì ne viŋgaʼnìn ve vinyò e vèr, vèr wáa sheʼrí viŋgaʼnìn və́ vé vinyò vee shooy.

⁴Éè NYÙY TÀR, ku siìr lèn vikuʼùy ve vèr‑iì kér vi e vèr, ku siìr réŋréŋ mo à lo, à siìr ndzə́v é kirə̀ʼ ké woʼ keé Negev.

⁵Wìr yii wáy kifá e nsay e mensíy mè e si, ghínsin káví, wù wàa sheʼrí sheʼrín.

⁶Rúrú, wìr yii li ŋgoòy kifa, wáy e nsay e mensíy mè si, wù kù wìy a kfən e bàm, a beʼ vifá ve wù kavin, a yòv nsiì.