Read Lamnso Nsùyrì Nyùy 127 Bible Online

Nsùyrì Nyùy 127 - Lamnso bible

Nsùyrì Nyùy 127

¹[140] A lòo dzə la NYÙY TÀR baʼri kibaʼrì, bo wír ve á baʼrìi kù búʼ buʼún. A lòo dzə la NYÙY TÀR shiy ŋkàlaʼ, bo shiiykìʼ nshìy lày kisáŋ.

²Ndzə lóo kaʼ, a wìr ló ne e yuv, lo, wù wàa neèm, a yúví kóŋrí ne. Wù lim, ndzəʼnìnè, é bo wù wáy kifá e shuù, kee shooy kidzə̀m ki kù dzə̀ kisáŋ. Nyùy lo kfə́, wù fò vifá ve yi e wír ve wù koŋèe, aá fə̀m buúne.

³Wóné dzə̀ vitsə́ʼ ve ví lo fo NYÙY TÀR, feyì feyì, kidzəə́y kí dzə̀ vilaámé.

⁴Mo mvən si yii dzə́ e wìr rə̌r wo, bo dzə̀ moo wón vee vilum ve wìr dzəən é vinsùm.

⁵Bòŋ ké wìr wo wù kér ŋkòʼ mvə̀n, a mvən see bey si rún shó. Wù lóo dzə e kilaʼáy ké nsaʼ, bo bó yòʼ dzə̀ aŋgaà və́ vibàné ghàʼ wun.