Read Lamnso Nsùyrì Nyùy 129 Bible Online

Nsùyrì Nyùy 129 - Lamnso bible

Nsùyrì Nyùy 129

¹[142] Wír veé Isray, vèn fer mo vé‑eè nyavrì e vèn, nyavrì, a vèn kù sì ji kitúm.

²Vé‑eè nyavrì e vèr, a vèr kù sì ji kitúm, yii bèy, bó á yòʼ‑oò lo sò ver gheéy.

³Vé‑eè shòʼ ndzə̀m sér e ŋgwàne, sí wáa dzə sinaámén mo á kòm vibvəə̀ ve sum.

⁴NYÙY TÀR dzə̀ là jay, wù bòyìr ne ver fo wír ve á méŋ wuné wo.

⁵Nyùy ku màʼ wír ve á ban Sion adzə̀m, e tsə̀y áwune é bàm, aá wáa woomé.

⁶Wù ku yiì, aáwune wáa dzə, a dzə moo viŋgà vee fəə́ é kitu ke lav, ve ví lo, ví yòvrí, a bó ví yóʼ ne kùy.

⁷Áwune kú a dzə moo sáŋ ye yí yovrin ne, e yòvrí, a bó yòʼ dzə̀ á kfə̀n tìn, a bó yòʼ dzə̀ á bàʼtí, e kùr é mbeʼ si.

⁸Bó yòʼ dzə̀ nshaàdzəə̀ fə̀m shàʼtì áwune jii, «NYÙY TÀR səəvi ven. Vèr səəvì ven é yír NYÙY TÀR.»