Read Lamnso Nsùyrì Nyùy 142 Bible Online

Nsùyrì Nyùy 142 - Lamnso bible

Nsùyrì Nyùy 142

¹[158] M tóŋ kitávín e NYÙY TÀR, búʼ wó feyì ji wù ku shàm á mo.

²M neer ŋgeʼ sém, a kù dzə̀ e wun si, fiʼtì vinyo ve ví gháʼ mo vidzə̀m sho.

³Éè NYÙY TÀR, shilív shí lóo tum mo, m kù a leéy ji kì á wò kinyo ke dzə̀ m wàa yiì. Á woòné ne, e kòʼór kitám kém, á kòʼór e kiwuù ké dzəə ke m ghán sho.

⁴M leey kóy yìyí, kíy virə́ʼ, là wír wo a dzə̀ wù sə̀ mo, leeyì, là kirə́ʼ ke dzə̀ kí wàa kìŋsìn mo. Wìr yòʼ dzə̀ shó wo wù leey ji sà kooy ka mo á.

⁵Éè NYÙY TÀR, m tóŋ kitávín e wò, tóŋ, suuy jii, «Dzə̀ wò kikiŋ kém. Dzə̀ wò kikfə́vsì kém é nsay fèn.»

⁶Ku mvə̀ʼtì vituʼùr ví, e yù tóŋ yémé. M dzə̀ é mvə̀m kíghàʼ, a wù rə̀ʼə́y ne mo. Ku fə̀ə́r mo fo wír ve á nyavrì e mòó wo. Áwune tàv e ghàʼ mo.

⁷Ku fə̀ə́r mo fó ŋgeʼ, é m yiì a fo vibeerì e wò. Wír vée yíi kaarí mo e tar, a burí wò, a burí, bìʼ fo à yiìn kijuŋ feyì e mò.