Read Lamnso Nsùyrì Nyùy 149 Bible Online

Nsùyrì Nyùy 149 - Lamnso bible

Nsùyrì Nyùy 149

¹Á wáa burí NYÙY TÀR. Á wáa yòv luŋ wo fíyi, a yòv bìʼ wun, a burí wun e mvə̀m kintatì ke wìr ve á tíy e wun wùn.

²Isray kú a sàvnìn, bìʼ Ŋgaà Mbom və, é wón veé Sione wáa sheʼrí, bìʼ Fon wov.

³Á wáa dzən, a burí yír rə́, a kùm nshùm, à lúŋ nshìí, a burí wun sho.

⁴NYÙY TÀR yii kér shií fo wír vəə́, buʼ wír ve á néŋ e wun si, buʼù, aá gháʼ aŋgaà vév vibàn.

⁵Wír ve á yúnin Nyùyi kú a sheʼrí. Wun woo Nyùy nàn ne yír yév. Á wáa neŋ e kikun, e kù a yòv nsiì.

⁶Wír Nyùyi kú a yòv ghán sidzə̀m, a koʼór yír NYÙY TÀR, a ker nyùy sév sé rər é wo, nyùy, aá baáy mbìv sidzə̀m,

⁷e fíʼ a lovtí e vitúm vi, a màʼ ŋgeʼ aáwuné vitu,

⁸e koo afon vév, e kur aàsháŋé, e way shwín sé vé saʼ vév é vibùr vee kisha,

⁹e màʼ ŋgeʼ aáwune mo Nyùy saŋen. Kin ki dzə̀ mbùʼmé wìr Nyùy ve á tíy e wun wùn adzə̀m. Á wáa burí NYÙY TÀR.