Read Lamnso Nsùyrì Nyùy 150 Bible Online

Nsùyrì Nyùy 150 - Lamnso bible

Nsùyrì Nyùy 150

¹Á wáa burí NYÙY TÀR. Á wáa burí NYÙY TÀR mo wù dzə́ e wun kirə̀ʼ kee jeéy kí. Á wáa burí wun wo wù dzə́ e wùn laʼ ye tavíné é yuv.

²Á wáa burí wun, bìʼ lim sə́ se ghaʼtín sí, a burí wun wo wù dzəə̀n e gháʼtín, a bó mfìʼ yòʼ dzə̀.

³Á wáa toŋ sóŋ, a burí wun sho, a kùm lúŋ, à yé nshìí, a burí wun sho.

⁴Á wáa kàr ceensáŋ, a cèŋ, a burí wun, a kùm akfə̀ə́ luŋ, a toŋ vintsəy, a burí wun sho.

⁵Á wáa kwaʼ viŋkwaʼ ve ví súŋnin ji weè, a burí wun sho, a kwaʼ ve ví súŋnin kitávín, a burí wun sho.

⁶Kifá kidzə̀m ke kí ŋeʼ ki kú a burí NYÙY TÀR. Á wáa burí NYÙY TÀR.