Read Lamnso Nsùyrì Nyùy 16 Bible Online

Nsùyrì Nyùy 16 - Lamnso bible

Nsùyrì Nyùy 16

¹[18] Éè Nyùy, kìŋsìn dzəʼə̀m yémé. M kù lir a dzə̀ e wò sar.

²M shivìr feyì e NYÙY TÀR jii, «Dzə̀ rú wò, wo à sáʼ mo, a vijuŋ vém vidzə̀m vi lo a dzə̀ fo wò.»

³Kee kùm wír ve á yúnin wò e wòŋ fèn, áwune dzə̀ kfə́m sé wìr, a m yú vijuŋ bìʼ áwune.

⁴Wír ve á ghvə́m anyùy ámóʼó dzə̀, aá dzəsì a dzə̀ ŋgeʼ si aáwuné kitu. Bó m yòʼ yíi a yiì ntàŋrí bìʼ anyùy vìn, a bó yòʼ dzə̀ m wàa ka áwune.

⁵Éè NYÙY TÀR, à dzə̀ vitsə́ʼ ve m yí. Yii wò, bo m wáa dzə kijuŋ, kér wò dzəʼə̀m yém e wò kiwo.

⁶À jàv vifá, e fò mo mbìv ye juŋ, vitsə́ʼ vém ví bòŋ rú féyì e ŋàáŋàŋ.

⁷M yíi a burí NYÙY TÀR, bìʼ fo wù fó mo ntir. Fə́m lóo dzə vitsə́ʼə́, shilív shém shí kù a tir mo.

⁸M kù tiir a dzə̀ NYÙY TÀR fó mbìy ghán sidzə̀m. Wù dzə̀ e mǒ koy yìyí, a bó yòʼ dzə̀ kifá ki sə̀ʼ mo.

⁹Bìʼ bey, NYÙY TÀR, m kér kishéʼrì e mǒ shiliv, yú vijuŋ. Fə̀m mo m dzəə̀n wír fo wìr, m dzə́ là kinyo ké a fàn,

¹⁰bìʼ fo à yòʼ wíy màʼtì mo áàŋkfəə́ wòŋ, a bó à yòʼ wíy màʼtì, é ŋgaà wò lìm wo juŋ foy é sày.

¹¹À wíy dìn mo dzə́ə ye dzə̀ m shaà shó, e bóo lùŋ. M lóo dzə e wò si, é m wáa ker kishéʼrì ke kuʼùn kí. Mo à dzəə̀n e mǒ koy yìyí, m kù yú vijuŋ, e dù, e jòʼsì.