Read Lamnso Nsùyrì Nyùy 20 Bible Online

Nsùyrì Nyùy 20 - Lamnso bible

Nsùyrì Nyùy 20

¹[22] Nyàr, NYÙY TÀR kú a sə fon e ghan sé rər, wun woo Nyùy Jakov kú a kìŋsìn fon.

²Wù kú a dzə e wun kirə̀ʼ ke ranén kí, a sə fon. Wù kú a tom wun fo Gwan Sion.

³Nyùy kú a səəsí vifá ve fòn fó e wun vi vidzə̀m, wù kú a yu vijuŋ bìʼ nyám se fòn ton, cu wun sho si.

⁴Wù kú a fo fon kifá ke shilív shé fòn shi tíy sho. Wù ku yiì, é kinyo ke fòn kidzə̀m ki kú a ghan kijuŋ,

⁵é vèr wìy a ndzəʼ ji fòn sò á ne aŋgaà və́ vibàn, a yòv nsiì e Nyùy yir, wun woo Nyùy wo wù sə́ ver. NYÙY TÀR ku fò fon kifá kidzə̀m ke wù lóné.

⁶Rúrú, m kì ji NYÙY TÀR wíy sə fon wo wù yoʼon. Wù kù wíy yu bunrì fòn, e bìnèr wun fo wun laʼ ye ranén yeé yuv. Wù wíy kaáy e vitaáví və́ ve ghaʼán ví, é fòn só rə́r.

⁷Rúrú, wír ámóʼó tiir kév vifií aáwuné *vitentén vé rər, aámóʼó tiir aáwuné nyàm se ŋkoʼ. Yii bèy, a vèr tiir kér a dzə̀ é yír NYÙY TÀR woo Nyùy wor.

⁸Áwune kù wíy bàyrìn, e gbùkìr, yii bèy, a vèr wíy nànèn, a tiy ji ŋkǐŋ.

⁹Éè NYÙY TÀR, ku yiì, é fòn wor só rə́r. Ku yù tóŋ yérí ye vèr tóŋ e wò.