Read Lamnso Nsùyrì Nyùy 23 Bible Online

Nsùyrì Nyùy 23 - Lamnso bible

Nsùyrì Nyùy 23

¹[28] NYÙY TÀR shiy mo mo nshìy shìy njiì və, m yòʼ kfə̀n búŋ kifá.

²Wù yii, a m yíkir, meemè fo viŋgà ví səə́ne ji lìŋ. Wù tsəə́ne mo é nshwǎn ndzəv fo mendzə́v mè rəsìnè,

³yii, a vitaáví vém ví kfə́n fo. Wù danèr mo ji nyaáŋ é dzəə see tìítiy réŋréŋ mo yír rəə́ dzəə̀n.

⁴Áà NYÙY TÀR, a m fèn shaa e kiwoóy, a kí sə́n, beéme e le, la m yòʼ a fàn kileémé, bìʼ fo à dzəə̀n wòsò. À kiŋsìn mo e kibur ké ki, danèr mo e mbàŋ yè, a m yú vijuŋ.

⁵NYÙY TÀR, à səə́si mo e wò laʼ, báʼti vifá vém vé yi aàŋgaà vém vibàné si. À səə́si mo, yóʼ kitú kém e meŋgvə́r me rəʼtìn mè, rúner bàr wom, a wù cuurì fo nsay.

⁶Feyì feyì, à kù wíy a kòŋ mo, a m wíy a yu vijuŋ, a yu mo m wíy beʼrí e nsay, e dù, e jòʼsì. Rúrú, m wíy a dzə e NYÙY TǍR lav cù, e dù, e meé mo m wíy kpu.