Read Lamnso Nsùyrì Nyùy 24 Bible Online

Nsùyrì Nyùy 24 - Lamnso bible

Nsùyrì Nyùy 24

¹[29] Kitú ke nsay ki dzə̀ ké NYÙY TÀR, à kifá kidzə̀m ke kí dzəə̀n shó ki. Kù kér wun kitú ke nsay, à wír ve á dzəə̀n shóo adzə̀m.

²Yì‑iì bòm wun nsay, e wày kinsə̀ŋ e rìbà ndzə̀v, nsay wáa taa e kitu ke ndzəv.

³A dzə̀ kòʼ la e NYÙY TǍR gwan? A dzə̀ tìím la e wun lav cù, e wun kirə̀ʼ ke ranén kí?

⁴Kù dzə̀ wàa dzə wír woo là njò, wo bó shilív shí yòʼ sáʼ wun fo kinyò, a bó wù yòʼ ghvə́m anyùy kisaŋe, a bó wù yòʼ kan yìr Nyùy kisáŋ.

⁵Á wír wo NYÙY TÀR wíy bùʼ, Nyùy woo Ŋgaà Lùŋèr və wíy binsí wun ji wír və.

⁶Á kfə́ə ŋgwàʼ ye yì wiy fó a sùyrì Nyùy, kóʼti e wun woo Nyùy Jakov si.[30]

⁷Vèn gheémé kimvə́mvə ké shùu kày ki, é Fòn wo wiy nəə́ shó.

⁸Fòn wo wiy və̀n dzə̀ la? Dzə̀ NYÙY TÀR, Ŋgaà Vitaàví Vidzə̀m, Ntav wo ghaʼán, NYÙY TÀR, Ntav wo ghaʼán é shùu rər.

⁹Vèn gheémé kimvə́mvə ké shùu kày ki, é Fòn wo wiy nəə́ shó.

¹⁰Fòn wo wiy və̀n dzə̀ la? Dzə̀ NYÙY TÀR woo Taà Mànjòŋ, dzə̀ wun Fon wo wiy.