Read Lamnso Nsùyrì Nyùy 28 Bible Online

Nsùyrì Nyùy 28 - Lamnso bible

Nsùyrì Nyùy 28

¹[34] Éè NYÙY TÀR, kirùmèn kém ké nsàm, m tóŋ e wò, ku yù tóŋ yémé. Aà gòʼ kisə́sə, bo m tàtí ne ŋgoo wìr ve á du aàŋkfəə́ wòŋ.

²Yú kíghàʼ wo m tóŋ e wò, tóŋ, nan wó yém é yuv, tóŋ ji à biner mo e wò kikìkìŋ keé lav cù.

³Lá à yòʼ tàtí mo, e sə̀ŋ ji m kpú vèr à wír ve á méŋ wòo. Áwune dzə̀ aŋgàa yiì ye bií. Á kér kiláyláy ke juŋ ki, bin, kér kwaʼtì ye bií é meliv.

⁴Màʼ ŋgeʼ aáwuné kitu mo vinyo vév ví dzəə̀n, réŋréŋ mo vinyo ve bi ve áwune buʼtì vi dzəə̀n. Ku màʼ ŋgeʼ aáwuné kitu fo vinyò ve áwune yii e wó yéví. Ku siìr ŋgeʼ aáwuné wùn a dzə̀ mo yii yéví dzəə̀n.

⁵Wír vìne yòʼ gwarìr lim se NYÙY TÀR, lim se wù lim e wó rəə́. Wù kù yíi màʼ ŋgeʼ aáwuné kitu, e laàr áwune ŋkuuŋkùŋ.

⁶Buríi dzə̀ fo NYÙY TÀR, wù yù ne tóŋ ye m tóŋ ji wù sə́ mo.

⁷NYÙY TÀR dzə̀ vitaáví vém, a dzə ŋkeè wom rə̀r, a m yoy, tiir a dzə̀ é wùn wó. Wù sə̀ ne mo, e yiì, m wáa sheʼrí, a m yíi a yòv luŋ, a beèrì wun.

⁸NYÙY TÀR dzə̀ vitaáví vé wìr və́, a wù kiŋsìn fon wo wù‑uù yoʼon, sə́ wun, teer wun fo kpúu.

⁹Éè NYÙY TÀR, ku lùŋèr wír vée, e səə̀vì áwune ve à shoʼon ji vé. Kú a dzə nshìy wov, a leéy fo áwune, e dù, e jòʼsì.