Read Lamnso Nsùyrì Nyùy 3 Bible Online

Nsùyrì Nyùy 3 - Lamnso bible

Nsùyrì Nyùy 3

¹[2] Éè NYÙY TÀR, aŋgaà vém vibàné kùʼ ne e ŋàŋ, aneéníne sí shóʼ e mǒ bàm.

²Áwune sí jaʼ mo, yoŋ jii, «Nyùy yòʼ yíi sə wun.»

³Yii bèy, NYÙY TÀR, à dzə̀ ŋkeè wom, à kù yii tíy wòsò, a kù nan wò mo.

⁴M yii tóŋ e NYÙY TÀR, wù yù tóŋ yém fo wun gwan wo ranén,[3] e sə̀ mo.

⁵M neem buúne, lo e yuv kijàvndzə, a dzə̀ bìʼ fo NYÙY TÀR kiŋsìn mo.

⁶M yòʼ fan wír vee ansə̀kì ansə̀kì vìn, wír ve á gìŋèn mo, e kaàrí e tàr, ji á yúyrí.

⁷Éè NYÙY TÀR, ku wìy. Nyùy wom, ku lùŋèr mo fo aŋgaà vém vibàné. Rúrú, à kù yíi shoór aŋgaà vém vibàn adzə̀m, aà kù yíi màyìr vitaáví vé wìr ve á dzə wúu yém.

⁸NYÙY TÀR, kù yii luŋèr wò wír vé, kisəəvì ké ki kú a dzə fo wír vée.