Read Lamnso Nsùyrì Nyùy 4 Bible Online

Nsùyrì Nyùy 4 - Lamnso bible

Nsùyrì Nyùy 4

¹[4] Éè Nyùy, ku yù tóŋ yémé, wò, wo à bin nsaʼ sém. Wò‑oò sə̀ mo, a mò‑oò dzə̀ é mvə̀m ŋgeʼ. Ku shàm mo, e yù bunrì yémé.

²Éè vé kindìnwùné, vèn wíy shùr mo e liy si, e dù, e meé e le? Vèn wíy a kòŋ lám kisaŋe wùn à kimboʼtì ki, e dù, e meé e le?

³Vèn kú a kiíy jii, NYÙY TÀR shòʼ ne wír ve á tíy e wun wùn, e lèm jeéy ji və́. M tóŋ e wun, wù yú jí yem.

⁴Kilòŋ kí shwiiy wír, wù wàa yen fo kinyo ke bi kí nəə́ shó. Vèn wáa yòŋ jí sìn, a kwàʼtì sho, a səʼə́m e ghan se á néŋ e kikun.

⁵Vèn fó cu yee réŋé e NYÙY TÀR, a tiír vifií a dzə̀ é wùn wó.

⁶Aneéníne dzə̀ ve á gháy jii, «Vèr dzəə́ wiy yen vijuŋ a?» Éè NYÙY TÀR, ku lèéy ver, a kòŋ.

⁷À fò ne mo vijuŋ vigháʼán, ví shaá vé wìr ve á káv vifá vigháʼán, kooy *meluʼ fo tútúʼ, nyanyày.

⁸M yíi neèm, e buuné vèr à nyaáŋ. Éè NYÙY TÀR, kù mày wò, wo à yii kiŋsìn mo.