Read Lamnso Nsùyrì Nyùy 43 Bible Online

Nsùyrì Nyùy 43 - Lamnso bible

Nsùyrì Nyùy 43

¹[50] Éè NYÙY TÀR, ku dìn ji m dzə̀ là njò. Ku kìŋsìn ghay wómé fo wír ve á méŋ wòo. Fəə́r mo fo vé kimboʼtìí wo. Fəə́r mo fo wír ve bií kitam.

²À dzə̀ Nyùy, a m bee a dzə̀ e wò sar. À màʼày mo ben bìʼ ka? Aŋgaà vém vibàné nyavrì e mò, à máʼtí, m wáa dìy ji ka?

³Éè Nyùy, ku yiì, é m yén rán yé. Ku dìn suuyrú wò e mò, é vinyo vìn vi daner mo, e lì mo, e wìy sho e wò gwan wo ranén,[51] gwan wo dzəə̀n kirə́ʼ ké ke dzə.

⁴Á bèy, éè Nyùy woo Nyùy wom, é m nèn kòʼtí e wò kiy cù, a tiy e wò si, wò wo à yii shéʼer mo, a kùm lúŋ, a burí wò sho.

⁵M dzə́ mendzən mendzən bèn bìʼ ka? M rəəy bèn bìʼ ka? M kù‑úù wáa dzə, a yuurí a dzə̀ Nyùy. M kì ji m kù dzəə́ wìy a sùyrì wun, wun woo Nyùy woo Ŋgaà Lùŋèr wom.