Read Lamnso Nsùyrì Nyùy 53 Bible Online

Nsùyrì Nyùy 53 - Lamnso bible

Nsùyrì Nyùy 53

¹[63] Wír ve á ŋwáy Nyùyi yoŋ fo shiliv jii, «Nyùy yòʼ dzə̀.» Á yoŋ bèy, kuvrì kiŋkùvrì, buʼtì vinyo ve ghaʼán ví, fə̀m wír e mòʼón wo wù yii yii ye juŋe yòʼ dzə̀.

²A Nyùy kù maʼ sí fo yuv, kíy wón wìr msòŋ jii, wìr wo wù sə́ʼəm, e bó a yiì kinyo sà dzə̀ á? Wùmòʼ sà kù yòʼ taʼ wun a?

³Áwune adzə̀me kù jày ne dzə́ə, kù sì vé kiŋkùvrìi adzə̀m, wìr wo juŋ yòʼ kfə̀n dzə̀ə́ gheéy, fə̀m e mòʼón.

⁴NYÙY TÀR gháy jii, «Wír ve á buʼtì vinyo vìn adzə̀me yòʼ kér vifií a? Á nəʼsì wír vém, yí vifá a dzə̀ ve á faàsìn fo áwune, a bó á yòʼ yii bunrì sa mo woo Nyùy.»

⁵Áwune dzə̀ ben, aá dzə̀ é mvə̀m fàn ye ghaʼáné, fan ye mfìʼ yòʼ‑oo yií ne a dzə, bìʼ fo Nyùy wíy yuyrí aŋgàa vibàn və́, e taʼár vighvə́r vév. Á wíy tòn áwune tónen, bìʼ fo NYÙY TÀR meŋen ne áwune.

⁶La Nyùy sí ri yiì, é luŋ wìr veé Israyi lo fó Sion a. Rúrú, NYÙY TÀR wíy lòo siìr vikuʼùy vév, é rám Jakovi wáa sheʼrí, é wír veé Israyi wáa sàvnìn.