Read Lamnso Nsùyrì Nyùy 54 Bible Online

Nsùyrì Nyùy 54 - Lamnso bible

Nsùyrì Nyùy 54

¹[64] Éè Nyùy, ku sə̀ mo e vitaáví vé vi. À dzə̀ e gháʼtín, ku bòyìr mo.

²Éè Nyùy, ku yù bunrì yémé. Yuúrí kinyo ke kí fəə́ fo mǒ shuù ki.

³Vé kiŋkoʼòrwùné ŋàʼáy ne, a kìʼ mo. Wír ve bií wáa tàʼ fóo laàr dzəʼə̀m yém, wír, a bó á yòʼ fan sí Nyùy gheéy.

⁴Yii bèy, a Nyùy dzə̀ ŋgaà sə wom. Kù yii wun woo Tàr wor, a m dzə́ sho e tin.

⁵Wíri wooy mo e kinyo ke bi kí. Nyùy ku yiì, é kí kfə́n a dzə̀ aáwuné kitu. Éè Nyùy, à kù yii tíy ké vèn à wír vée. Ku laàr wír vìne láarin.

⁶NYÙY TÀR, m yíi a cù wò e cu ŋkòŋmée M yíi a beèrì wò, bìʼ fo à dzəə̀n e juŋ.

⁷À sə̀ ne mo fó ŋgeʼ sidzə̀m, ŋgeʼ se sí sùmèn mo sidzə̀m. M yèn ne, aàŋgàa vibàn vémé bvəə́rí ne.