Read Lamnso Nsùyrì Nyùy 6 Bible Online

Nsùyrì Nyùy 6 - Lamnso bible

Nsùyrì Nyùy 6

¹[7] Éè NYÙY TÀR, lá à yòʼ a saʼ mo e wò mvə̀m dòʼshwiíy, lá à yòʼ màʼ ŋgeʼlàʼ e mǒ kitu, aà dzəə́ shwiiy kilòŋ.

²Éè NYÙY TÀR, ku shàm mo, bìʼ fo m sí ŋéyti a dzə̀ sóŋ. Fèr mo. Bó kighvə́r kém kí yòʼ dzəə́ tár kímóʼ kí,

³a wúné wèʼ ne mo wéʼen e dzə̀m. Éè NYÙY TÀR, à yíi dzə̀ʼə̀m, e meé e le, e bóo sə mo?

⁴Éè NYÙY TÀR, neèr dòʼshwiiy wò, e lùŋèr mo, lùŋèr mo bìʼ koŋ yé ye à yii kér fo wír vée.

⁵A wìr dù e sày, wù dzə́ə a kuumé wò a? A dzə̀ wàa burí la wò fo aŋkfəə́ wòŋ?

⁶M dìy ne, e dòr é mvə̀m ŋgeʼ. M kù su kikún kém súun e mensíy mè vitsə́ʼ vidzə̀m. M dìy ne e ŋàŋ, mbuùy yem wáa rə̀ ji shàm.

⁷Sí yémé kòʼkír ne, a səəné, a yiì diy ye m diy bìʼ aŋgàa vibàn vém.

⁸Ven ve á buʼtì vinyo ve bi ví, vèn kíŋrí fo mǒ si, bìʼ fo NYÙY TÀR yuun ne tóŋ ye m tóŋ e wun.

⁹NYÙY TÀR yù ne tóŋ ye m tóŋ ji wù sə́ mo, wù yù ne bunrì yém, e biìmé.

¹⁰Wù yíi shoór aŋgaà vém vibàn adzə̀m, e bvəə́r vifií vév. Á yíi ŋèʼrì gheéy, e siìr ŋkfənèr, a nyeŋ, a woomé.