Read Lamnso Nsùyrì Nyùy 61 Bible Online

Nsùyrì Nyùy 61 - Lamnso bible

Nsùyrì Nyùy 61

¹[72] Éè Nyùy, yú tóŋ yémé. Ku yuùrí bunrì yémé.

²M tóŋ e wò fo kwaʼ nsàm, a shilív shém shí sí túm tumén. Dànèr mo, e kòʼ shó e kirùmèn ke kí dàrìn. M kóʼó, é m lir fó.

³Rúrú, dzə̀ wò kikiŋ kém féyì feyì, kirə́v ke tavín ke kí kiŋ mo fo aŋgaà vém vibàné.

⁴Ku lì mo, é m wáa rəsí e wò lav, e dù, e jòʼsì. Ku lì mo, é m wáa lìr e wò sar vàv ji nyaáŋ.

⁵Rúrú, Nyùy, à yù ne kilìʼ kém. À fò ne mo vitsə́ʼ vé wìr ve á yúnin wò.

⁶Dànèr dzəʼə̀m fòne, é yí wáa kuy, ŋgwàʼ sidzə̀m si kù wíy a yu sáʼ rə́.

⁷Nyùy, ku lèm wun, é wù sáʼ, e dù, e jòʼsì. Leéy fo wun bìʼ koŋ ye à koŋ wune. Leéy fo wun bìʼ suuyrú wò wo à yii tíy sho.

⁸Á bèy, m kù yíi a yòv, a burí yír yé ghán sidzə̀m. M kù yíi runér ŋkàʼmé wom, a cù wò kishiíy kidzə̀m.